لكن ابغى افضفض لانكم الوحيدين الي ممكن افضض لكم
لاني اساسا ما احب اشكي لاحد ودايما ابين للناس وايضا الناس تعرفني اني قويه
وما احب دمعتي تنزل قدام احد
المهم ما احب اطول عليكم والله اني اكتب لكم ودموعي على خدي
انا بنت مثل اي بنت كانت تحلم ببيت وزوج وعيله
ولما دخلت الكليه صارو اهلي دايما يقولون لامي ليه مايزوجوني
والله كانو يجوني خطاب كثير وكل مره يقولون ليه مازوجتيها
المهم انخطبت وتزوجت ولله الحمد السنه الي راحت بالاجازه
خلصنا من سالفة الزواج جاتني سالفة الحمل والحمد لله حملت بعد خمس شهور
ولكن سقطت في الشهر الثاني
وبعد فتره ارجعو الناس يقولون ليه فلانه ماحملت مره ثانيه
احس اني صرت حساسه جدا
حتى لما اشيل عيال اخوي او بناتهم اشوف الشفغه في عيون امي واخواني
وام زوجي مو مقصره فيني تقريبا كل اسبوع تسالني عن الدوره الشهريه
غير الاسئله الي تسئلها لزوجي
والله اني مالومهم امي تبي تشوف عيالي وام زوجي بعد تشوف عيال ولدها
وانا ليه ما احد حاس فيني
ليه ما احد يراعي مشاعري
ماتدرون قد ايش تعلقت في الجنين الي سقطته
تصدقون لما سقطت استمريت احسب لنفسي كاني حامل لما ادخل الرابع وكل شهر
احسب
آآآآآآآآآآآآآآآآآآآآه لما جا يوم الولاده احس اني المفروض كنت ام حالي حال غيري
بس اللهم لك الحمد والشكر على كل حال
ادري اني غثيتكم من الصبح بس والله مو جايني نوم كل ماتذكر موعد الولاده
كان في 31/8 اتضايق مادري ليه مو قادره انساه
الله يعوضني بالي احسن منه
الي قاهرني الناس مادري كيف اسكتهم وش الحل معهم
ام زوجي كيف اجاوبها لما تسئلني عن الدوره؟؟؟؟؟
ادعولي الله يخليكم
التصنيفات
