بطة مصرية وفتة مصرية فطاري
بعد صلاة عيد الاضحي المبارك
وكل سنة وانتم طيبين
وعيدسعيد
السلام عليكم ورحمة الله وبركاته
ازيكم اخواتي واحباتي في الله
اليوم كلنا بنحتفل باول يوم
من ايام عيد الاضحي المبارك
اعاده الله عليكم وعلينا بالخير ةاليمن والبركات
وتبقي ايامنا جميعا فرح وهنا يارب
وتكون الامة الاسلاميه جميعها بخير يارب
انا من عاداتي مع زوجي ان بعد صلاة العيد
اعمل الفتة وطبعا تجهيزها بيبدأقبل صلاة الفجر
وبقدم معاها اي نوع من اللحوم او الطيور
سواء ديك رومي او بطة او لحمة
فانا اليوم قدمت معاها البطة وطبعا جهزت البطة
بليل عشان تستوي براحتها
المهم عشان مااطولش عليكم
تعالو معايا نشوف انا عملت البطة ازاي
بعد ماتدبح وتنظف جيدا
ثم تنقع في ملح وخل ليمون
ثم تشطف جيداااااااااااااااااااااا
في طنجرة ع النار بها ماء
قطعت بصلة
وحطيت الملح
والفلفل الاسمر
و 5 حبات قرنفل
وورقتين غار
ومعلقة هيل
وسبتهم يغلو
وبعدها اضيفت البطة
وسبتها تتسلق ع النار
هي بطول شوية وانا بحب اللحم يكون
مستوي اووووووووووووووي فستها كتير
وبقيت اغرز السكين عشان اطمن انها استوت ولا لا
وده كان بعد حوالي ساعتين تقريبا ابتدي اشوفها استوت ولا لسة
المهم انا سبتها بالشوربة عادي اكمن بدأت عمايلها علي الساعة
1 الصبح يعني ماقعدتش بعد مااستوت بالشوربة كتير عشان ماتتهريش
وبعدها قمت باخذها الي صينية الفرن ودهنتها بالزبد خفيف اوي
ودخلتها الفرن وشويتها ع الشواية وقدمتها الف هنا
