طبعا شكوي يمكن مكرره بس والله تعبت مش عارفه اعمل ايه تاني لابني
عمار ابني في 2 كجي تو هذا العام وطبعا هو الكبير عمره 6 سنوات
ودخل مع في المدرسه ولد مصري ابوه دكتور في الجامعه وهو يعمل مع زوجي وفرحت جدا ان في حد نعرفه وصممت انهم يجلسوا بجوار بعض وفي نفس الصف
وكانت الكارثه
اخلاق الولد وحشه جدا وكل يوم لازم يضرب عمار وابني ياجماعه مش عارفه يدافع عن نفسه خالص وبحفزه كتير واشجعه كتير وبرضه مفيش فايده ثالث اسبوع للمدرسه ونفس الشكوي كل يوم
ام يضربه او ياخد منه اكله او مصروفه ويغلس عليه واللي زاد الامر سواء الولد بيقول الفاظ مش كويسه خالص وبعد لما كان ابني مش ممكن يقول كلمه كده ولا كده بسمعه بيقولها لاخوه
تنصحوني بايه فكرت اني انقله لصف اخر بس هو شايف ان لؤي ده صديقه ومش حيلاقي حد يكلمه في الصف التاني لان معظم المدرسه اجانب وقليل فيها العرب
اكتر حاجه محزنني ابني ليه ضعيفه كده ولليه بيخاف يرد الضرب بضرب ويعمل حساب للولد ده كده طبعا اشتكينا لابوه كل اللي قاله ده لعب اطفال مع بعض
بس مره واحد عمار ضربه بالزمزميه زجاجه الميه والولد اشتكي لابوه وطبعا زعل كان مش زعلان ابدا طول ما ابنه بيضرب اول ما اضرب اشتكي
المشكله اني قولت خلاص عمار بقي جرئ وحيعرف يضرب بعد كده لكن عرفت من السائق انه في اليوم ده الولد اخد منه الزمزميه ومرضيش يديها له غير لما الراجل قاله اد له الزمزيه ومن خوفه من السائق اعطها لعمار تخيلوا قال لعمار ايه لا اخد ا لزمزميه طيب بكره حجيب سكينه من المطبخ واقطعك
حاسه ان ابني دايما عامل حساب للولد ده وزعلي كله ان ليه ابني مش جرئ واحنا لسه في اول سنه في عمره حيفضل يضرب كده علي طول نفسي يبقي قوي بلاش يبدئ ضرب بس على الاقل يدافع عن نفسه
ياريت تفيدوني ولو اني عارفه اني انا اللي شديت عليه اوي في الاول وعمري ماقولت له اضرب اللي يضربك بس اعمل ايه يارب كان يجب اسيب ابني مش متربي علشان يخلص مع الولاد اللي بره من نوعيه هذا اللؤئ
