ازيكم جميعا عضوات ومشرفات
والف شكر للادارة الرائعه لانها بتعمل جو من التفاعل بارك الله فيكم
واحب انتهز الفرصه واقلكم كل سنه وانتو طيبين
ورمضان كريم وربنايبارك فشهر الخير والطاعات
النهارده ومن ضمن مواضيع صيفنا ابداع
احب اقدم موضوع عن اكل الاطفال
ازاي نقدمه بطريقه مفيده وفنفس الوقت تفتح نفس الاطفال
اكيد طبعا الموضوع ده اتعرض كتير
بس لان الشكوى من قلة اكل الاطفال الدائمه
بتخلينا محتاجين دايما للتجديد والتذكير
في كتير من الامهات للاسف بتعتمد على روتين فالاكل والاطفال اغلبهم ملولين
ده غير ان بعض الامهات للاسف وعلطول بشوفهاممكن تعمل اكل طعمه غريب وتقول هوه يعني فاهم ؟؟؟؟ وهتاكل يعني هتاكل 
لو ابنك تاعبك فاكله غيريلوا فالشكل والطعم
مش لازم الفطار كل يوم ساندوتش وكوبايه لبن او بيضه
خلي في تجديد
في مرة احدى صديقاتي قالتلي
هوه ده كمان هيتشرط فالاكل
هوه مش بيتشرط هوه بيطلب حاجه تجذب عنيه
وطعمها يبقى حلو 
انا بحب ازين الاطباق بس للامانه مش فنانه ولامبدعه فيها
يعني حجات بسيطه اي حد يقدر يعملها نبدأ بالبيض
يامسلوق يامقلي
نغير شويه
نجيب التوست ونقطعه بحيث انه وحده تكون زي مهيه والتانيه نفتحها مربع من النص
نحمصه الي مش مفرغه ونحطهم على بعض
ونحط البيضه بعد منقلبها بالشوكه شويه وملح وفلفل
او بيض عيون
او يتقطع مكعبات او اشكال وتغطسيه بالبيض وتقليه او فالفرن
او حتى المسلوق خليه مغري
وده توست فردته بالنشابه حشيته جبنه ويادوب خد لون فالفرن يعني مش ناشف
وعلشان تكوني ذكيه لو ابنك مبيحبش البيض او اللبن دخليه فالاكل من غير ميحس
مثلا انا ابني مبيحبش اللبن ولو شافه بيتحط فالاكل مياكلش فبدخله فاغلب اكله ولو بنسب بسيطه اهو احسن من مفيش وكمان بيزهق بسرعه من تكرار الاكل وبيحب يشكل فكتير بفكرله فاختراعات لغايه مطلع معايا
الباتا شو الحادق
3بيضات
150 جم دقيق
100جم زيت
رشه سكر وملح
125لبن
125 ماء
ونعملها بالطريقه المعروفه وبالاخر
نضيف نص كوب جبنه صفرا
جوده رومي امينتال الي انت عايزاه
واعمليه فكيس الحلواني ودخليه الفرن هنا واحد حشيته جبنه بيضا والتاني زي مهوه قدمته مع الكاتشب
هنا مرة تانيه قدمته مع لبنه ورشيت عليها بابريكا
نيجي للبطاطس البيوريه
في اطفال ومنهم ابني مستحيل ياكلها بالطريقه المعروفه فبعملها كده
بنفس الطريقه العاديه وحطيها فكيس الحلواني واعمليها وردات
ودخليها الفرن طعمها تحفه 
هنا كيس الحلواني باظ فعملتها بالمعلقه اشكال غريبه وابني عمل معايا وكانت هيصه 
كمان باتاشو البطاطس وكنت قدمته قبل كده فركن المعجنات جميل وطعمه عجب ولادي جدا وعملتلهم اشكال كده وارقام
هنا كيس الحلواني باظ فعملتها بالمعلقه اشكال غريبه وابني عمل معايا وكانت هيصه كمان باتاشو البطاطس وكنت قدمته قبل كده فركن المعجنات جميل وطعمه عجب ولادي جدا وعملتلهم اشكال كده وارقام 
http://www.lakii.com/vb/showthread.php?t=579209عالرابط ده علشان منكتبش كتير
لومتلا هتعملي عيش اعمليله كام وحده شكلهم يلفت نظرة
هنا كنت بعمل البيغل وعملتله شكل وش
مفيش ابسط من كده كمان البريتزل قطعته وقدمته مع بطاطس قطعتهاله بالقطاعه اشكال
كمان عملت خبز السميط بالسمسم وعملتلهم صغيرين
حاولي تدخلي مكونات مفيده فالاكل مثلا الشوفان
بطحنه وبعمل منه كريب بستخدمه بدل الدقيق
محشيه جبنه
ابني بيعشق الجبنه ولازم ياكلها الصبح
او بحطها مع خلطة الكفته فراخ او لحمه
هنا الفراخ
بعملها واحطها فالصنيه
وادخلها الفريزر ربع ساعه
اطلعها اققطعها الشكل الي انا عايزاه واحطها فالبيض بعدين بقسماط وسمسم واقليها او احمرها فالفرن
مرة عملتها مربعات قدمتها رز احمر
ومرة صوابع مع رز ابيض الوان الرز نعملها
الاخضر بمعجون البقدونس والاحمر بمعجون البنجر
ممكن نعمل كمان كرات البطاطس
بطاطس مسلوقه كويس ولحمه متعصجه وملح وفلفل ونكورها وبعدين البيض والبقسماط
وممكن الرز بنفس الطريقه
المكرونه
قدميها بطريقه بسيطه
وياريت صوص الطماطم متبقاش صلصه تحطيها معاها ويلا
لا
ابشري الطماطم وقلي تومايه
واطفيها بمعلقه خل بعدين حطي الطماطم ورشه زعتر والملح والفلفل
ويادوب ميتها تتشف وحطي المكرونه المسلوقه هتلاقي طعم ولا احلى
او بصوص الزبادي
زبادي مع سنه توم وملح وفلفل ونعناع
وعالوش لحمه متعصجه
هنا قلي مش عايز لحمه وماله مش مشكله النهارده يعني منأزمش الامور
او كده
هنا كنت عامله فاصوليا قدمتهاله مع فراخ مشويه
[center][center]
عايزة اشوف افكاركم وابداعاتكم
علشان تشوفي ابتسامة ابنك وكمان ياكل من غير غلبه 
اتمنى موضوعي ينال اعجابكم وفي امان الله
