بورق الثوم…. ويمكن البعض يسال منين نلكه ورق الثوم الاخضر
وعندي الحل 
اول شي اخذي فصين او ثلاثه من الثوم المقشر وخليه بسندانه للزرع واسقيه ماء وشوفي بعد يومين او ثلاث بالكثير يورق وبسرعه ينبت وطبعا يستعمل بالطبخ وريحته تهبل وهذا سر من اسرار الطبخ اللي اعرفه وحبيت افيدكم بيها .
وهسه مقادير الجبن
——————
5 ليتر حليب فاتر او دافي
ربع حبه من المنفحه اللي هي حبوب الجبن
عرقين من ورق الثوم الاخضر
الطريقه
——-
خذي الحليب وخليه على النار الى ان يصبح فاتر وممكن تعرفين حرارته جيده من خلال قبول اليد لحراره الحليب يعني مو حار يحرك ومو بارد وبس شيله من الفرن
ناخد ربع الحبه من المنفحه ونذوبها بملعقتين ماء دافي وخلي عليها رشه ملح ومن تذوب تماما
نضيفه على الحليب الفاتر وحركيه بالملعقه حتى تتوزع على الحليب كله وهسه غطي القدر ولفيه بمحرم او بطانيه
لمده 8 الى 10 ساعات وبعدين اجلبي مصفي وخليه بيه كيس الجبن اذا متوفر عندج اوفوطه نضيفه وصفي بيها الحليب وخليه الى ان ينزل كل الماء اللي بيه وبعدين قطعي ورق الثوم ناعم وضيفيها على كيس الجبن وسدي
او سكري الكيس واعصريه وخلي عليه ثكل او قدر مملوء بالماء حتى يعطي الثقل المطلوب لينزل الماء الموجود بالجبن واتركيه ليله كامله الى ان ينشف وبعدين طلعيه من الكيس وخلي عليه ملعقتين من الملح واتركيه بالثلاجه مده يوم كامل وثم حضري قدر بيه ماء وملح واغليه على النار واخذي الجبن وقطعي 4 اقسام وخليه بالماء المغلي على النار الى ان يطوف الى الاعلى وشيليه من القدر بهذا يكون جهز الجبن نشفيه من الماء وخليه بالثلاجه ليومين وبعدين اكلو منه وشوفو النتيجه….جبن روعه
والطريقه هاي معتمده مني ومجربتها مرات كثيره والطعم جنان
جربوها وما راح تندمو وردولي ها ومشكورات
الرجاء ذكر اسمي عند التجربه لاني والله تعبت بيها
