العجينه: كيس طحين بحط عليهم 5 ملاعق حليب بودره وهيدا هو سر العجينه و4 ملاعق سكر وملعقة ملح وملعقتين خميره فوريه ناعمه وبعجنها بكوب ونص ماء او كوبين بعدين بنحط نص كاسة زيت بالنهايه ونعجنها هيك بتكون العجينه روووووعه وبتجنن مابعمل غير هالمقادير والكل بيسألني عن سر عجينتي
الحشوه : بنحط بصل مفروم نحمسه بشوية زيت وبنحط نقانق مفروم ناعم وعلبة فطر مفروم وشوية فلفل أسود وملح وعلبة معجون طماطم + 4 ملاعق كاتشب وفنجان صغير ماء و5 دقايق عالنار بنحط ملعقتين زعتر بيتزا اورغانو وبنطفي النار وهيك صارت روووعه كمان لأنو ريحة زعتر البيتزا بتجنن هلأ بنحط طماطم مفروم وعلبة ذره صفرا وفلفل حلو أخضر مفروم وزيتون مخلي وبنحركهم مع بعض وخلص
الطريقه: بنكور العجين صغار صغار وبسرعه بنعمل كل دائرة عجين مجرد ضغط براحت اليد ونصفها بالصينيه بنحط ملعقه من الحشوه ورشة جبنه ولا أسرع من هيك وبنخبزها بالفرن مابتاخد وقت لودب تشقر شوي وانتي طبعا بتحكمي عليها وعملت كمان جبنه حلوم مبشوره مع شوية نعنع ناشف وحبة البركه ومافي داعي أحكي أديش طيبه وريحتها بتجنن جربوها الحلوم واحكمو وهيدي الصور بتمنى تعجبكم
