المقادير\ورقة جلاش+سجق بالخلطة+جبن رومى+زيتون حلقات+لبن وبيض طبعا+سمن سايح مضافا الية زيت +فلفل اخضر+طماطم بدون قلب+بصل شرايح…..
نبدا سوا…..نجيب ورق الجلاش ونفرشة ف صينية مدهونة بالسمن وبين كل طبقتين نرش سمن مع زيت ثم نضع فى المنتصف السجق بالخلطة ..نقف بقى شوية..السجق بالخلطة طريقتى كالاتى….هنجيب السجق ونحطو الاول فى ماء مغلى ع النار لمدة 5 دقايق فقط وبعدين نطلعة ونشوحة ف زيت اولا وبعدين نقطعة حلقات ونتركة جانبا…. ثم نقطع بصل وفلفل اخضر مع التوابل ونشوحهم شوية ثم نضيف السجق عليهم ونقلب ثم الزيتون وبعدين نضع اخر حاجة طماطم مقطعة شرايح ولكن الطماطم منزوع منها القلب من غير بزر يعنى عشان متعملش صوص ….نضع هذا الخليط على نصف طبقات الجلاش ونرش عليهم الجبن الرومى المبشورة..ثم نضع نصف ورق الجلاش الباقى عليهم ونرش حبة سمن بردو ثم نقطع الصينية بالسكينة مربعات….وبعدين نسقيها فى الاخر بالبيض واللبن وندخلها الثلاجة شوية عشان تتشرب وتطلع نافشة و فى الاخر ندخلها الفرن
التصنيفات
