الزمن .. يوم الأربعاء 18 /12 /1426 .. المغرب .. الساعة 6
الأحوال .. البيت عندنا مليان تبارك الرحمن وكلهم مجتمعين أخواني واخواتي وعيالهم
كنت أنا والبنات في المطبخ .. بعدين صرنا نسمع أصوات في الشارع ودووشة تحت بيتنا
وقفوا الصغار على الشباك وقالوا فيه مضاربه كبييييييره تحتنا وكل شويه نسمع كلام شكل
صراحة ما اهتميت للموضوع وقلت مخاصمه خفيفه وحتنتهي ..
لكن الموضوع ماوقف على كذا …
صرنا نسمع إن فيها دمممممممم …
البيت احتاس عندنا وصرنا نرجف وصارت اختي الكبيرة تبكي وتدعي إن ربي يهديهم ويصلح بينهم
وفجأة …….
جانا الخبر زي الصاعقة …. فيه قتل صااار
قلت لااا موو معقول !! .. عندنا في الحارة ؟؟ لا مستحيل !! .. لو مرررة أكيد واحد مجروح ورح يسعفوه وينتهي الموضوع
وطلع أخوي …
وطلع الخبر صحيييح .. بس برضوو عندي أمل إنه يكون مامات .. وإنهم رح ينقذووه
احتسنا في البيت ودعينا إن ربنا يصبر أهله وصاروا الصغار يبكوون خايفيين 
وماحد نفسه بشي ..
جريمة بشعة .. بطلها واحد مووو صاحي .. جديد على حارتنا ..
السبب !!!!! … كوورة انفقعت !!!!
قبل يوم الجريمة .. أخوان القاتل وأخو المقتول الصغير كانوا يلعبون كورة وأخذ أخو القاتل الكورة وفقعها !!
واليوم الثاني … كان المقتول ( الله يرحمه رحمة واسعة ونحتسبه شهيد ) .. شاب في عز شبابه 23 سنه
رجع من شغله وجا وقت المغرب اتوضا وقال لأمه :
أنا بروح أصلي المغرب وبعدين أعزي جيراننا .. وإنتِ وأختي كمان روحوا عززو جيراننا ..
وطلع من البيت لقي هذا القاتل .. وقال له : إنت ولد ( … ) .. قال له : أيوا ..
طلع السكينه .. قال له الولد : روح الله يهديك ومشى ..
قام ضربه بالسكين على ظهره .. التفت له الولد .. ضربه ضربه ثانيه في بطنه ..
شي بشععع 
واحد من اقاربه أخذه للمستشفى … لكن أمر الله اتوفى في الطريق .. إنا لله وإنا إليه راجعون ..
إنتوا اتخيلوا كيف حال أهله !!! …. كيف حال أمه المسكينة ( مابين طرفة عين وانتباهتها )
كيف حال أبوه الشيبه
حاله يرثى لها
ادعوا إن ربي يثبتهم ويربط على قلووبهم ويعوضهم خييير..
وإن ربي يغفر له ويرحمه ويتقبله شهيد يااااااااااااارب
بس إتخيلوا معايا اش السبب !!!! كوورة !! .. بسبب كورة وانفعال ماله داعي
خسر دنياه وحيخسر آخرته كمان ( إذا ماتاب )
إنا لله وإنا إليه راجعووووون
الله يحفظنا وعيالنا وكل المسلمين من كل سوء ومكرووووه
