عزيزاتي العضوات الحلوين اول شي كيفكم إن شاء الله تكونوا دائماً بخير …
والله أنا قرأت موضوع عجبني كتير وحبيت أحكيلكم عنه للمناقشة فيه وأشوف رأيكم طبعاً وإن شاء الله يعجبكم وهوه عن " الضرة العصرية " 
طبعاً الكل رح يحكي كمان صار في ضرة عصرية طبعاً اكيد أنا بأكد في كل بيت ضرة من هذا النوع العصري جداً طبعاً 
وهي مثل (الانترنت – التلفزيون " المباريات,الكليبات الي الله يعافينا ويعافي مجتمعنا منها وغيره " – المقاهي – الجرائد- الاصحاب) وأنا بيتي واحد من البيوت الي فيه هاي الضرة طبعاً في أزواج غرامهم واحد من المذكورين وما بلاقوا وقت يقعدوا مع زوجاتهم وأولادهم قد ما بقعدوا مع هاي الضرة الي مش قابلة تترك أي زوج في حاله والي بنعكس على الزوجة والأولاد طبعاً يعني اذا بدهم يقعدوا مع بعض أو بدهم يطلعوا مشوار مثلاً او للتسوق وغيره ممكن تمنعهم منه…
و أنا بالنسبة لإلي زوجي زهقان من الانترنت لإنه في مجال اختصاصه وشغله (كمبيوتر) والحمد لله مش صحبه مع المقاهي او الخروج مع الاصحاب بشكل دائم 
يعني ممكن يكون التلفزيون بس أهم شي إنه مش على المباريات لإنه في أزواج على المباريات ياعيني حدث ولا حرج وين في مباراة وراها 
والجرائد اكتر شي يعني عنده الجريدة طبعاً ما بقدر يستغني عنها لو بقرأها مليون مرة نفس الأخبار مليون مرة ما بقول لأ
يلا يا حلوين طبعاً طولت عليكم بس بدي كل وحدة تشارك بهادا الموضوع للمناقشة وبدي رأيكم بالموضوع وإذا عندكم وحدة من هاي الضراير العصرية 
الي مجننة بعض الناس…
