السلام عليكم ورحمة الله
هذا تطبيقي للأخت مانو ، هي ما حطت الموضوع بس انا اخذت الوصفة منها علشان تستفيدو وخصوصا انها مررررررررة سهلة وبنفس الوقت مرررررررررررة طعمة
وهذي الطريقة إلي كتبتها مانو بالضبط بس انا زدت عليها طريقة تنظيف السمكة لانها هي تسويها فيليه بس انا كنت مسوية هامور 
اجيب صحنين بايركس (او واحد كبير) واحط فيه قصدير واطلع قصدير زياده من الطرفين (عشان بالاخير راح اغلفه) واحط زيت زيتون بعد اصف حلقات بطاطس وفوقها حلقات بصل وفوقها حلقات طماط وبعدين احط قطعتين سمك متبلتهم واصب باقي التتبيله عليه وارش زيت زيتون عليه واسكر القصدير وادخله الفرن لمدة ساعه الا ربع وبعدين افك القصدير من فوق وافتح الشوايه عشان تنشف الموية لمدة ربع ساعه وناكله بالخبز ويطلع يجنننننن حتى البطاطس يكون مقرمش والبصل والطماط ذااااايب ..
تتبيلة السمك (بصحن الكورن فليكس احط .. كمون بودرة + يانسون بودر ه+ كزبرة بودرة + ثوم مفروم + زنجبيل بودره ومفروم + بهارات سمك + شوية بابريكا + عصير ليمون) اخلطهم مع بعض وبعدين ادهنهم عالسمك .. ادري البهارات كثيرة بس زوجي يحب البهار فهو يحط كل شي موجود بالرف ..
انا نظفت السمك بهالطريقة:
عبيتها ملح من جوة وبرة (ملح ناعم عادي) ، وبعدين جبت 2 ليمون عصرتهم عليها وقعدت أفرك فيهم السمكة ، وبعدين جبت قدر وحطيت فيه موية وشوي خل وحطيت السمكة فيها ، طبعا هذا كله علشان تروح الزفارة وفعلا مافي نقطة ريحة
وهذي صورتها النهائية ، وانا عملت جنبه صيادية رز بس نسيت اصورها
