سائل طبيعي للتبييض والتصفية للشباب والفتيات والمفاجاءة الاحلى ( يناسب الاطفال من عمر سنة فما فوق …… بس بشرط نخفف نسبة الليمون ونزيد بدلها موية الورد …. كذا يصير الطف على بشراتهم الحساسة )……….
فوائد السائل :
1- يصفي بشرة الجسم ويخفف من الكلف والاختلافات اللونية ( لاحظوا النتيجة مزبوط بعد اسبوعين استعمال )
2- يعطي نعومة رهيبة للجسم والمناطق اللي عهدتوها خشنة ومحرجة ويطلع فيها قشور راح تشوفينها تلق نضارة ولون مورد .
3- ينفع للاطفال لانه طبيعي … اللي راح يستفيدوا منه مزبوط هم اللي عيالهم واخوانهم الصغار (بنات-اولاد) يحبون اللعب بالشمس او بعد رحلة بحر (شرط ماتكون بشرتهم ملتهبة ومعهم حروق شمس) وبرونزاج و تبين ترجعين لهم لون بشرتهم الطبيعي وتحافظين عليه ومع الزمن يكبروا ببشرة نظيفة خالية من الكلف وصافية باذن الله ….. بناتكم بالذات اذا كبروا بيدعون لكم ( باذن الله لا سواد ركب ولا جسم مبقع او خطوط وتشققات جلدية )
4- روووووووعة روووووعة للرجول والسيقان …. يخلي رجولك قطنة موردة من النعومة والبياض . ( عن تجربة …. النتيجة تبان بالذات للسيقان والرجول بوقت اسرع واقصر ….. والسبب ؟؟؟ جايتكم بالكلام … انتم بس اصبروا …..)
5- يناسب الرجال بعد ( ازواجكم …. اخوانكم …. أي عريس بعايلتكم) >>>> ايه لا تستغربون …. والله صرت اشوف واسمع عن شباب اذا الواحد خطب تلاقونه خلاص … هو الثاني مسوي زحمة زي العروسة وبدا يتجهز ويتنظف وينتظم بالروحات لصالون الحلاقة … ماسكات …. حمامات بخار … مساج بشرة …. تنظيف …… مدري ايش عاد بقو لنا ؟؟؟ …. بس زين يحبون النظافة >>>هههههههه ( ماعدا اللي مزودينها مرررره … الله يهديهم )
6- يناسب الكسولات واللي ما ينتظمون على تدهين اجسامهم بعد الشاور اليومي وكمان اللي يكرهون دسامة وتدبيق الكريمات وملمسها الثقيل عل الجلد.
7- منعش جدا وريحته حلووووة.
8- هالسائل ممتاز لما تستعملوه بعد خلطة كريم كاب للفساتين لانه يساعد على تسريع نتايج الخلطة وتفتحين بوقت اسرع .
المقادير :
عصير4 ليمونات ابو زهرة او بنزهير
>>>> زي ماتسمونه بس هو الليمون الصغير اللي جاي لونه على اخضر ( المعروف عند الفلبينيين والآسيويين بشكل عام انه يبيض اكثر من الليمون الاصفر الكبير …. اسمع يسمون ابوزهرة ( كلامنسي )
1ملعقة /ك زيت لوز مر
1م/ك زيت لوز حلو
1 م/ك زيت خروع
1م/ك جلسرين سايل ( سائل شفاف مثل الزيت وليس الكريم ابوعلبة حمرا )
1 م/ك زيت جنين القمح
4 م/ك زيت اطفال بيبي اويل …. افضل جونسون باي ريحة تحبونها
2 م/ك موية ورد
علبة فاضية ( علبة موية بلاستيك – علبة اسكينول – علبة زيت جونسون وذي الافضل واللي استعملتها شخصيا)
* جميع الزيوت اصلية من شركة وادي النحل اخدتها من صيدليه ماعدا الجلسرين ..اي نوع سائل منه ينفع.
الطريقة :
اعصري الليمون وصفيه من أي لب او بذور… راح يطلع معك العصير مقدار ثلاثة ارباع بياله شاي عادية …. ثم ضعية بعلبة بلاستيكيه نظيفة ومغسولة …… اضيفي عليه بعد ذلك باقي المقادير ….. ثم غطي العلبة بغطاءها الخاص ….. ورجيها جيدا لحد ما يطلع معنا خليط متجانس لونه اصفر على بيج . ويحفظ بالثلاجة بعد الاستعمال …. انا تعمدت ان الكمية تكون كافية لثلاثة ايام بالكثير …. ليه ؟؟…..لانه حتى لو حفظناه بالثلاجة فلا يطول ..فقط من 5 – 4 ايام بالكثير. كذا احلى … عشان كل مرة تسوين جديد فريش وتكون النتايج افضل ….
كيفية الاستعمال :
بعد الشاور اليومي المعتاد …. استحمي بشاور جل او صابونة ( افضل دوف أي لون او صابونة بابايا اصليه من عند العطارين…….. او صابونة بابايا من بودي شوب وهي الافضل والاضمن بالذات للحوامل والمرضعات ) وزي ما اوصيكم كالعادة …. مافي صنفرة او ليفة مغربية اكثر من 3 مرات بالاسبوع ( السائل فيه ليمون …. يعني لو فركتي وقشرتي بخشونة …. راح تحسي بالليمون يلسع ويقرص الجلد ويسبب حكة )…. المهم … بعد ما تشطفي الجسم من الصابون …. وانتي لسة بالحمام .. لك مطلق الحرية … تبين تنشفين الجسم من الموية بتربيت خفيف او تتركيه مبلول …. مو مشكلة … زي ماتحبي واللي يريحك ….اهم شي جيبي علبة السائل وارجعي رجيها من جديد ( لانه راح يرد ينفصل الزيت عن الليمون) وابداي وزعيه وادهنية على الجسم بالكامل ماعدا المناطق الحساسة حاولي تتلافيها بالذات عند الاطفال …. واللي تبي تفتح المناطق الحساسة عندها مو مشكلة امسحي من برا على الشكل الظاهري ولا تدخلينها كانك تتشطفي فيها … لا …. بس مسح من برا . ….. وبس…. خليها على الجسم لا تغسليها وجففي جسمك كالمعتاد باي منشفة او روب استحمام …. والبسي ملابسك عادي … لا راح توسخ ولا تدبق وما تحتاج أي ترطيب بعدها …….وشوفي النظافة والريحة والنعومة كيف … جوووناااان …. ومن اول استعمال )
كم مرة نستعملها باليوم ؟؟؟؟
1- للجسم : مرة او مرتين يوميا كفايه .
2- للرجول والسيقان : بعد كل وضوء للصلاة وهي لسه مبلولة موية ادهنيها على السريع من السائل ……الحين عرفتو ليش باول الموضوع قلتلكم انه يحسن ويحلي الاقدام وتبان النتايج عليهم اسرع ( من ثالث يوم نتايج حلوة ومشجعة )…… ….. خلي الحركة ذي روتين مع كل وضوء وشوفي كيف راح تبيض رجولك وتورد.
3- لليدين : زي ماتحبي … كل ما شفتيها جافة وتحتاج ترطيب دهنيها منه .
4- للاطفال : يكفي مرة باليوم …. وممكن حتى بالاسبوع 3 مرات.
الله يوفقكم وييسر اموركم …. واشوفكم دوم مبسوطين ومن مواضيعي القليلة مستفيدين
اعذرو تقصيري …. ان اصبت خيرا فمن الله …. وان اخطات فمن نفسي والشيطان …..
تكفون مثل ما دعيتلكم …. ادعو لي ربي يحقق مرادي ….. الله يعلم قد ايش انبسط لما اشوف دعواتكم لي بالردود …. وياريت كمان لو كم دعوة بظهر الغيب لي ولكم بخير ( تذكري الملائكة تقول ولك بالمثل )
للأمانة منقول
