لما تلاقي النور ملا الدنـــيـــا والقلوب .. لانت
يبقى الشهر الكريم بشايره لاحت .. وبانت
شهر غير كل الشهور اللي كـــــــانت
إجري إلحق أيام غفران المعاصي حـــــانت
ليلة الصيام مين ينام ويسيب القيام
عد على الصوابع دي كلها ايام
يعم الخير بين الناس ونفشي السلام
والشياطين مصفده وممنوعه من الكلام
بلاش الخصام ونصل الارحام في شهر كــــريم
وخلي النيه صافيه وخلي القلب ســـــليم
ده سوق الجنه .. مفتح ابواب النعيم
يا عاصي التوبه مفتوحه .. للطريق المستقيم
أوعى تقولي الواد بيعيط عايز فانوس
اوعى تقولي مقدرش مفيش فلوس
إحنا مش مكن شغال ماشي بالتروس
إحنا قلب وروح شغال بلا إله إلا الله … وطمع في الفردوس
إوعي تيجي في نهاية الشهر وتكسل
يأذن عليك الفجر وانت معسل
لو عايز تتعظ بص بس لواحد بيتغسل
حتنط وتقوم وتصلي وتصوم ومن الذنوب تتغسل
