انا اليوم شفت تطبيق الاخت بلقيس لكيكة قدرة قادر
ماشاء الله عليها الاخت بلقيس تطبيقها رائع
وانا قبل كم يوم مسويه كمان قدرة قادر
بنفس الطريقه بس اسهل
مع اختلاف في المقادير
بس صدقوني انها طيبه ولذيذه واتمنى تطبقوها وتقولون لي رايكم
وبالخصوص اختي بلقيس اتمنى تطبقها وتقول لنا الفرق بين طريقتي والطريقه اللي هي سوت
ادري صدعت راسكم بالثرثره
المقادير
علبة كيك بيتي كروكر(او اي نوع المهم يكون كيك علب)
علبة حليب محلى نستله علبتين كريم كرامل مع الكرامل ثلث كاس ماء علبتين قشطه
الطريقه
1-نضع الكرامل في الصينيه اللي بنسوي فيها الكيكه
2-نخلط الحليب المحلى والكريم كرامل والماء ونضعهم على النار ونحرك الخليط الى ان يثخن
3-ننزله من على النار ونضع القشطه عليه ونحركه لين يتجانس
4-نصبه في الصينيه على الكرامل
5-نخلط الكيكه زي مو مكتوب على الكرتون ونصبها في الصينيه فوق الخلطه السابقه
(اذا اختلطت الكيكه مع الخلطه عادي لانها بتنفصل وهي بالفرن )
6-نضع صينيه اكبر من الصينيه اللي فيها الكيكه بس تكون عميقه ونصب فيها ماء(باختصار نحطها في حمام مائي)
7-ندخلها الفرن على نار هادئه ونخليها ساعه او 45 دقيقه ومانفتح الفرن الابعد 45 دقيقه
8-اذا طلعناها من الفرن نخليها نصف ساعه في درجة حرارة المطبخ وبعدين نقلبها وندخلها الثلاجه تبرد
وبالهناء والعافيه
يعني عادي تقدرين تاكلينها في نفس اليوم اللي سويتها فيه
اشرايكم ان شاء الله سهله والطريقه واضحه
اقول ابي ردودكم السنعه ودعواتكم الحلوه
التصنيفات
