المقادير(الخلطة)
نص كوب فطر شرايح
نص كوب فليفلة شرايح
نص كوب بصل شرايح
مكعب ماجي
دجاج مسلوق مقطع شرايح
شوية كزبرة
مقادير الباشميل
قشطة
ملعقتين طحين
ملعقة زيت
مكعب ماجي
ملعقتين جبن سائل او 4حبات كيري
الطريقة
طبعا تسلق المكرونة مثل كل مرة
تحضير الخلطة
اول شي تضيفين الزيت بالقدر اللي بيكون طبعا على النار وتشوحين البصل بس ماتحمرينة وتضيفين بعدها الماجي وبعدها الفطر والفليفلة وبعدها الدجاج ولما تطفين النار تحطي الكزبرة
طريقة الباشميل
المقادير كلها تحطينها في قدر مرة وحدة الا الحبن السائل تخلينة اخر شئ
تحطين القدر عالناروتحركين بالشبك الى يغلظ قوامها وتحطين الجبن عليها
انا شخصيا بضيف قشطة عالمكرونية بعد ماصفيها
تطلع احلى
المهم لاطول عليكم
تجيبين الصينية المخصصة للفرن وتحطين المكرونة وعليها الخلطة وعليها شوية بشاميل تخلطينهم شوي بالصينية وترتبيهم وتحطي بقية الباشميل وتزجي بيهم في الفرن
اذا سويتوها عطوني رايكم
