ازيكم واخباركم ايه انهارده عازاكم على ممبار وطرب
اولا الممبار
نجيب ممبار وننظفه ونقطعه ونعمل خلطه الرز اللى هى:
رز مصرى وخضره (بقدونس وكزبره وشبت )وطماطم مفرومه وبصل مفروموالبهارت اللى تحبيها يعنى تقريبا نفس خلطه المحشى
نحشى الممبار وما نملاهوش كتير علشان لسه ها يستوى وينفش نسلقه فى ميه مغليه وطبعا مبهره برضو وبعد كده نطلعه ونحمره
ودى صوره الرز
دى الممبار قبل ما يخش على النار
وبعدين نعمل الطرب
تروحى الجزار وتقوليله عايزه المنديل اللى فى الخروف وهو بيكون داخل البطن
نقطعه مربعات
لحمه مفرومه معاها بصل وبقدونس وبهارات من اللى تحبيها على ذوقك وناخد شويه لحمه مفرومه ونحطها على المنديل ونلفها ونرصها فى الصينيه
ندخلها الفرن لحد ما تستوى وبالهنا عليكم
ما تنسوش معاه سلطه علشان تهضم كويس
ده المنديل
ودى اللحمه
ودى بعد ما لفيتها وحطيتها فى صانيه الفرن
وده بقى طبق اللممبار والطرب
