الحقيقه انا بموت فى فطيرة اللبن والسكر
وسالت كذا اخت عليها هنا بس محدش عرفها
فمره شفت الفطاطرى بيعجنها ازاى بس معرفش المكونات
قلت اجرب
عملت عجينه ماء ودقيق ورشة خميرة وملح وسكر
كله من غير مقادير(عينى ميزانى على راى ام ايوب)
ومكنتش هصورها غير لما اشوف النتيجه
طبعا هى السر فيها ان الراجل بيطيرها لفوووووووووووق وتنزل تانى ويطيرها لفووووق وتنزل تانى
بس انا لو كنت طيرتها مكنتش هتنزل تانى اطلاقا
فردتها بعد متخمرت نصف ساعه عدة مرات بالشوبك
بطبقه رقيييقه جدا
ودهنت بينهم زبده سايحة
وطبقتها تانى وفرت ووسطهم الزبدة
وطبقت وفرت وادهن زبده
واخر طبقه برده رقيييييقه جدا طبقتها من الجهات الاربع ودخلتها الفرن وقلت اما تطلع فطيرة او تطلع رغيف عيش
بس الحمد لله طلعت فطيرة صحيح مش زى بتاعت الراجل بس والله جميله واكلنها سخنه مهى كان لاززم هتتاكل وبالنسبه لاول مرة واخر مرة طبعا 
تبقى هايله
تبقى هايله
]
انا احبها مقرمشة واللبن بيطريها
بعد منقطها نحط عليها سكر بودة كتييير ولبن واللى عايز يحط شويه زبدة او سمن سايح
