السلام عليكم ورحمة الله وبركاته
الظروف الاقتصادية الحالية محتاجة إن الإنسان يكون ذو عقلية غير تقليدية….والمشاريع الخاصة الصغيرة فرصة كويسة جدا وتفتح مجالات عديدة أمام الشباب وتوفر فرصة عمل لأكثر من واحد….
أنا نفسى جدا أنا وبعض زملائى نفتح مشروع خاص لكن طبعا محتاجين نصيحة من أهل الخبرة 
وأنا عندى فكرة 
كل واحد يعرض تجربته بالتفصيل فى مشروع خاص عمله وأسباب نجاحه أو فشله…واللى عنده أفكار لمشروع خاص يعرضها علينا ويشاركنا برأيه…علشان كلنا نستفيد
وأنا حابدأ….أنا فكرت فى عمل مشروع لتربية الأرانب لإن بدايته تكلفتها معقولة والموضوع ما زال تحت الدراسة بينى وبين 2 آخرين…والمشروع محتاج خبرة وفكرت بابا يشاركنى بخبرته ورأيه ولو وصلنا لحاجة حاقولوكم بالتفصيل….
فى انتظار آرائكم ومشاركتكم……بسرعة ادخلوا 
