اخواتى الاعزاء انا هتكلم معاكم فى موضوع مهم جدا بالنسبه لى
مرحلة المراهقه وياريت كل من مر بالتجربه ينصحنا ويرشدنا للصواب
انا ابنى عنده عنده 14 سنه ولسه فى بداية سن المراهقه بصراحه انا فى حاجات كتير مش عارفه اتصرف فيها ازاى
طبعا الولد ابتدى يكبر وتظهر عليه علامات البلوغ وكل شويه باباه يقول لى خلى بالك من تصرفاتك مع الولد وانا مش عارفه اعمل ايه
ابتديت مش البس نفس الملابس غيرت كل حاجه فى لبسى يعنى مثلا لو عندى بجامه شورت بطلت ارتديها وهكذا فى كل لبسى
بس انا وابنى اصحاب واصدقاء متعود يحكيلى على كل حاجه وبنهزر مع بعض وديما اخذه فى حضنى وبينام على رجلى واحنا بنتفرج على التلفاز مثلا
بس والده بيتضايق من هذه الاشياء حتى لما اقبله واهزر معاه بيبقى متضايق ويقول لى مينفعش كده الولد كبر
بقيت بتكسف من الولد اوى وبحاول ابعده عنى بس خايفه ان الولد يحس بضيقه علشان هوه مصاحبنى وبنلعب مع بعض بلايستيشن وهكذا يعنى اكيد انتوا فهمين
بصراحه مش عارفه اعمل ايه ابنى مؤدب جدا الحمد لله وبيصلى وملتزم واخلاقه عاليه اوى ماشاء الله بس تعبنى شويه فى المذاكره ربنا ينجحوا يارب
انا عايزه اعرف ايه الى اعملوا مع ابنى وايه الى معملوش خايفه يحس انى ببعدوا عنى عايزه افضل صحبتوا علشان يحكى لى على كل مشاكله خصوصا ان والده عصبى شويه
بصراحه انا محتاره ياريت من عنده خبره او معلومات عن هذه المرحله يفدنى وينصحنى وجزاكم الله كل الخير
انا بحاول اخليه قريب من ربنا والحمد لله نجحت فى ذلك نفسى المرحله دى تعدى على خير
