اول إمبارح صحيت من النوم و كان نفسى قوى آكل بيتزا فقلت اقوم اعمل بيتزا لكن فوجئت إنى ما عندى دقيق و ماليش مزاج انزل اشترى من السوبر ماركت 
و لقيت عندى جلاش كنت ناويه اعمل بيه صنف حلو
تعالو اقولكم عملت إية بالمقادير و الطريقة .
المقادير
1/2 كيلو جلاش
1/4 كيلو بسطرمة
1/8 كيلو زيتون اخضر منزوع البزر و مقطع نصفين
ملعقة ثوم مفروم
2 بصلة متوسطة مقطعة مكعبات
2 حبة فلفل رومى بارد مقطع مكعبات
ا حبة طماطم مقطعة مكعبات
ا كوب جبنة موتزاريلا
1/2 كوب جبنة رومى مبشورة
1/2 كوب سمن
1 كوب لبن حليب
ملح + فلفل + بابريكا "حسب الطلب "
الطريقة :
-نقطع البسطرمة قطع صغيرة و نضع عليها البصل و الزيتون و الطماطم و الثوم و الفلفل الرومى و نصف مقدار الموتزاريلا و الجبن الرومى و نتبلهم بالملح و الفلفل .
-اولا نقسم الجلاش الى نصفين ، ندهن صينية الفرن بالسمن و نفرد فيها ورقتين من الجلاش ثم نضع فوقها ملعقة سمن ثم نضع ورقة اخرى و نضع فوقها ملعقة سمن اخرى و هكذا إلى ان ينتهى نصف مقدار الجلاش .
-نضع الخلطة الى عملناها فى النصف و نساويها ثم نغطيها بالنصف الآخر من الجلاش واحدة تلو الاخرى .
-نتبل كوب الحليب بالملح و الفلفل و البابريكا و نضعه فوق الجلاش و فى اركان الصينية و نراعى الا يغطى الحليب الجلاش و نضع بعد ذلك باقى مقدار الجبن الرومى و الموتزاريلا .
-توضع بالفرن الى ان يحمر الوجه و بعدها نقطع و تقدم مع البطاطس المحمرة .
و يلا جربوها و قولولىىىىىىىىىىىىى
