اليوم جايبتلكم طبخة روعة ان شاء الله تعجبكم وهي الفول الأخضر باللبن .
نبدأ بالمقادير :
فول اخضر منظف ومقطع
بصل ، لبن زبادي ، ملح وبهارات وماء للسلق.
الطريقة :
نقلي البصل بشوية زيت ولما يبدأ يذبل نضيف الفول ونشوحه معه شوي وبعدين نضيف الماء ونسلق الفول ونضيف الملح والبهارات ونتركه حتى يستوي .
بعد استواءه بنحضر اللبن بالطريقة التالية :
نضع اللبن في قدر ونضيف له نشا حسب كميه اللبن او بيضة وممكن نضيف ملعقة طحينة للي بيحبوها حسب الرغبه ونخلطهم كويس ونحطهم على النار حتى يغلوا مع استمرار التحريك وبنفس الاتجاه حتى ما يفرط اللبن .
لما يغلي بنضيفه على الفول ونحركه حتى يتجانس معه ونتركه على نار هادية ربع ساعة حتى يتشرب الفول نكهة اللبن .
بنقدمه بجانب طبق الرز المصري أو البسمتي حسب ما بتفضلوا وصحتين وعافية .
ياللا بدي كلكم تجربوه وتحكولي رايكم خصوصا بهالبرد بيعطي طاقه ودفا .
التصنيفات
