السلام عليكم اول شي رح اعرفكم بظروفي : انا فتاة عايشة من حوالي 7 سنين باوروبا والحمدلله اهلي زرعوا فيني الالتزام والاخلاق وحب الوطن وحب اللغة العربية وانا من اول ما جيت عهالبلد ومصرة اني لو تزوجت ما رح اتزوج الا من شخص عايش ببلدي او ببلد عربي حتى مايجوا أولادي باوروبا ويكبروا فيها..المهم من سنة تقريبا تمت خطبتي على شاب من بلدي في فترة العطلة الصيفية وتعرفنا على بعض وانا ارتحت له كتير وحسيت انه هو الانسان اللي انا بتمناه وهو كمان ارتحلي وبعدين كتبنا كتابنا وقربنا من بعض اكتر طبعا بعدين انا رجعت على اوروبا وهو بقي بالبلد وصرنا نتواصل بالنت او بالتلفون وقربنا اكتر من بعض وبصراحة انا حبيته بس هو عنده غيرة زايدة شوي وانا كنت مبسوطة بهالوضع اول الشي بس الان بعد مرور تقريبا 7 شهور على ارتباطنا صرت احس انه عنده حب للتحكم وانه بالمستقبل رح يتحكم فيني كتير مثلا قلي اني لما اتزوج رح يجبرني اني البس المانطو (عرفتوه؟ اللي هو متل العباية بس ميك) مع اني انا طول عمري متعودة البس لبس عادي واتحجب المهم انا قلت انه عادي اصلا هالشي بيرضي الله خلص وافقت بس صار كل يوم يطلعلي بشي جديد مثلا طلب مني ما اتكلم مع اي شخص من اقربائي الشباب يعني ابن عمتي مثلا هو مثل اخوي من لما كنا صغار كنا نلعب سوا والان ما بتخيل اني اقطع اي كلام معاه !! اصلا هو مثل اخي تماما
وامس تكلمنا وقلي اني بالصيف لما رح انزل للبلد ما رح يخليني انام عند بيت عمتي (لأنه عندها شباب بالبيت) مع اني متعودة دائما انام عندها وهي لو عرفت هالكلام رح تزعل مني ومنه، يعني انا حاسة انو هالصيفية رح تصير مشاكل كبيرة كتير بيني وبين عائلتي بسببه لانه رح يمنعني حتى اني اسأل شاب من عيلتي (كيفك؟) ورح يمنعني انام عند عماتي لانه عندهم شباب
انا صرت حاسة حالي سجينة حتى قبل الزواج ! هل هو بيحق له يتحكم فيني ببهالطريقة؟؟ ارجو من النساء المتزوجات اللي ازواجهن بيغاروا كتير يفيدوني كيف كان قبل الزواج وكيف بعده وارجوكم انصحوني شو اعمل خايفة اتزوج واتورط بواحد ما يخليني اتنفس الا اذا كنت معاه ! انا ناوية اكلمه اليوم واقله انو مو من حقه يتحكم بحياتي شو رأيكم؟
