اللهم صلي على محمد وآل محمد
السلام عليكم و رحمة الله و بركاته
أ
خواتي واخواني اليوم صار شي و حبيت انبهكم له..
في الوييكند, كنت في بيتنا في الشارجه و نزلت المحطه (محطة الإمارات) في دسمان و اشتريت حلويات منها المارشميلو… هذا شكله (في منه انواع و الوان بعد)
المهم.. اليوم و انا اشوف الكيس, مكتوب عليه الموقع للشركه للوصفات و بما اني احب اخبص في المطبخ قلت بشوف.. دخلت الموقع و لقيت وصله فيها المكونات (مكتوب عليه بالعربي بس آخر مره في حياتي اصدق شي!)… طبعاً الموقع حاط انه الجيلاتين المستخدم فيه مصنع من .. حسبي الله عليهم… مصنع من جلد الخنزير!!!
و هذي صفحة الموقع
(ملاحظه: ضفت صورة اللي لونه ازرق لأنه البنات قالن انه يمكن مافيه.. بس الشركه عندهم اربع انواع و كلهن فيهن)
تخيلوا كم ياهل كل هالخرابيط!!! المصيبه مب من الشركه… كفار و عادي عندهم… المصيبه في البلديه عدنا كيف سمحت بإستيراد و بيع شي جي؟؟؟ باجر إن شاء الله بتصل بالرقابه و بشوف… بس واصله حدي منقهره … اليهال في المحطه 24 ساعه لأنه مافي دكان في الفريج.. يعني كم ياهل كل منه؟ و كم شخص كل منه؟ يعني هل معقوله اللي يصير عدنا في البلاد… الرقابه و البلديه معقوله مب مهتمين لهاي الدرجه؟؟؟ و هالماركه متوفره في كل مكان.. سيروا اي محطه او سوبرماركت و شوفو… قبلها ماركة هاريبو Harebo و الحين Campfiremarshmallow s..
و ترى احيانا يكتبون جيلاتين من السمك
للتأكد مما ورد في الرسالة
.
اللهم رحمتك أرجو فلا تكلني إلى نفسي طرفة عين
لا إله إلا أنت سبحانك إني كنت من الظالمين
من ايميلي
