بنتي عمرها 5سنوات متعلقه قي ابوها كثيير وتحب تلبس ولاااادي دايم تحب تلبس جنزات وقمصان شبيهها بالولادي تعبببت معاها اشتري لها ملابس بناتيه حلوه مره ماااتبي مفشلتني حتى اذا صار مناسبه ولمة العيله تصررر الا تلبس جنز وقميص ولما اروح الكل يعلق على ملابسها انا قلت مابشتري لها نهااائي مثل هالملابس حتى لو لقيت شكلهم بناتي كرررهتني فيهم لكن ابوها الله يهديه ماايحب يرفض لها طلب فيشتري لها واذا طلعت معانا وتشوف ابوها يشتري له تصر تبي مثله وهو مايرفض طلبها تخيلوا يشتري لها مثله نفس القميص بعد ؟؟يقولي معلش طفله وللاسف ياريتها تلبس بعض الاحيان الا دااااايم تلبس ماطلع الا تصررر تبي تلبس ولادي والا تبكي ولاتأخرني عن الطلعه الي قااااهرني اكثر ان حتى اختيارها في اشياء ثانيه بعد ولادي مثلا غطا الايبود ولاادي شعرها داايم تبيه قصير بس يطوول تصيح تبيه قصير وانا اقصه لكن قصة بناتيه.ولا ترضى ابدا احط في شعرها بكل او اي شي زينه في شعرها اشتري لها ومن اختيارها ولا ترضى احط شي في شعرها ..هي اهم شي انه قصير حتى اوقات يشوفنها ناس في اماكن عامه يفكرونها ولد مع ان اختها الكبيره غير والله خاايفه لا تطلع بويه لا سمح الله احااتيها كلما اقول بتتغير اشوفها بالعكس ميولها اشياء ولاديه وتحب يكون العابها دراجه وسياره الي تركبهم خااايفه عليها شنو الحل؟
التصنيفات
