السلام عليكم اخواتي الغاليات……..
اليوم بحكيلكم عن ابني عمر 3سنين بيشرب المية اوالعصيربطريقة مستفزة يعنى ممكن يشرب الكوب بنفس واحد وبيتنفس داخل الكوب ولما قلت له كدة غلط عند معايا اكتر لما يشرب يلفت انتباهي اكتر
المهم فكرت ازاي انسيه الفعل دة قلت له:تيجي نلعب لعبه حلوة…قالي اااااه كانت اللعبة كالتالي:
نشرب مرة ونبعد الكوب ونتنفس ونعد واحد ونرجع نشرب تاني ونبعد الكوب نتنفس ونعد اثنين وهكذا…
بس بالاول نسمي الله ونمسك باليد اليمني عجبته اللعبه اللي هي اصلا سنة الرسول صلي الله عليه وسلم وكان يجلس بجواري ابني الاصغر ادم 7شهور وطلبت من عمر ان ادم يلعب معانا ومسكت الكوب لادم وشربته زي ماعلمت عمر بس اظهرت ان عمر فاز باللعبة لانه شرب لوحده وعمل زي ماما ومثلت اني خسرانه عشان هو يفرح والله كان مبسوط جدا.
ملحوظة:هو لسه لم ينتظم بالطريقة الصحيحة للشرب ولكن ربما يوم من الايام ينتظم فهومازال صغير.
الجميل في الامر ان مرة كنت في المطبخ وقال عايزاشرب وقالي بصي ياماما انا بشرب ازاي وشرب صح الحمدلله الذي يهدينا للتربية الصحيحة.
والله ان عن نفسي في اشياء كتيييييير من السنن اهجرها بس لما اعلمها لابني اتذكرها وهو بيذكرني مثلا التسمية عند الطعام نسمي بصوت عالي عشان يقول فيتذكر من يجلس معنا.
نصيحة لا تستسلمي للوقت طال او قصر بالصبر والايمان ننجح في تربيتهم والله المستعان.
