تخيـــــــلوا وتذكــــروا مـــعــي جميلة

دعوه للرجوع للماضي بما فيه من افراح واحزان
تخيلوا لو ترجع ايام زمـــــــــــــــــــــــــــــان
بحلاوتها وبرائتها
خلونا نرجع لورى شويه
ونتذكر ايامها الحلوه
بالنسبه لي
كنا نعيش في قريه جميله
والاجمل البساطه اللي فيها
وبصراحه العيشه في القريه
مع انها متعبه الا انها جميله
كان عندنا غنم ودجاج وحمام
نصحى الصباحه الساعه6
واذا كثرنا في النوم الساعه7
نصحى على صوت العصافير
وصوت الجيران كل واحد
ينادي عياله عشان يصرحوا بالغنم
والبنات الكبار ينظفوا البيت ويسووا الفطور
والامهات كل واحده وشغلها واذا انتهوا من الاشغال
يبدوا يسيروا
واحنا نتقابل في المراعي ونطلع الجبل مع اغنامنا
ونرجع تعبانين ونلاقي الفطور ونفطر بفرحه وبساطه
وآآآآآآآآآآآآآآآآآآآآآآآه
محلى جو الربيع المطر والخضره والهواء اللي يشرح الصدر
وتتجمع الناس في العطله اللي في المدن يجوا القريه
وتصير القريه مليانه واصوات الناس كثيره
كان فيه بساطه ومحبه بين الناس
كانت تجي اخواتي ويافرحتنا
وخاصه اختي الكبيره لأن عندها عيال قدي
لعب وفرحه وسهر على ضوء القمر والا الفانوس اللي يطفشني بشغله
وبعدها كبرنا وتطورت القريه جت الكهربه والازفلت والجوالات
وصار الناس زي اهل المدينه يناموا النهار ويصحوا الليل
الا قله قليله منهم ابوي وامي وجداتي الله يخليهم ويطول اعمارهم

هـــــــــــــــــــــــــــــــــــــــــــــــــ ـاه
وين سرحتوا ورحتوا ياللا كل واحد يحكينا عن ايام
زمــــــــــــــــــــــــــــــــــــــــــان
الا ليت الزمن يرجع ورى والاالليالي تدور
ويرجع وقتنا الاول وننعم في بساطتنا
وتقبلوا تحياتي