تطبيقى لفطيرة الملوك للغالية amal250 مشاركتى (احلى الأطباق باروع الصور) -طريقة تحضير

طبعا فين تروح يا صعلوك بين الملوك
هههه
انا طبقت و طلعت تجنن بس اكيد مش زى بتاعة امولة
بس بجد يا جماعة تجنن

انا عملت فطاير مينى مش واحدة كبيرة زى امولة

و على فكرة دى صنف مميز و شيك للتقديم للضيوف و جديد

و انا عملت نصف المقدار بتاع الحشوة بس عشان يادوب كده على قدى انا و زوجى
و الكمية دى عملتلى 11 مربع من معجنات بف بيسترى السنبلة

و بقى من الحشوة ما يكفى لحشو 3 فطائر كمان

المقادير
باكت باف بيسترى وانا استعملت ماركة السنبلة
100 جرام لوز المطحون (مثل البودرة)
100 جرام السكر 100 جرام الزبدة
بيضة
فانيليا

الطريقة

فردت مربعات البف بيسترى على طبق مفلطح و خليتها تفك من التلج

على بال لما تفك عملت الحشوة

ضربت اللوز فى الكبة زى البودرة
و انا ماشيلتش القشرة عشان فيها الياف مفيدة

اضفت السكر و ضربتهم مرة كمان

صبيتهم فى طبق غويط و قلبتهم مع 100 جرام زبدة فى درجة حرارة الغرفة و بيضة و باكت فانيليا

وزعت الحشوة على المربعات و ياريت تقللى الحشو عشان بيفرد بعد كده و يطلع بره
المربعات اثناء الخبز

و تبللى اطراف العجينة بالماء عشان تساعد على الغلق

وانا قفلتها بنص يعنى مثلثات
و عملت حزوز بالسكينة عشان تعمل كاريهات على الوجه و دهنتها بالبيض

دخلتها فرن سابق التسخين

لغاية ما تستوى و تحمر من الوش

و الطبق ده عشانى هههه مكافأة ليا
اصلى بتعب اوووووى هههههههه

ارجو ان يكون جهدى ووقتى علم ينتفع به

لقراءة ردود و اجابات الأعضاء على هذا الموضوع اضغط هناسبحان الله و بحمده

اترك تعليقاً