انا كنت كتبت قبل كده حكايتى بس حابه اقولها تانى بالتغيير اللى حصل فيها ياريت تستحملونى لو حطول عليكم بالكلام لانى حابه احكى بالتفصيل عشان التوضيح
ححكيلكم على اصحابى اللى كنت بحبهم جدا
الاولى من اصحابى خدت منى اول واحد اتعرفت عليه وكان حيخطبنى بس بعد ما انا تركته على طول وهى راحت كلمته ع طول المهم انا مزعلتش وعديتها عشان انا بحبها وكنت قابلت الشخص المناسب ليا زى ما قولتلكم المهم هو سابها بعد كده وانا كنت باخد درس معاها ومع خطيبى حاليا تتخيلوا عملت ايه معلشوا كانت بتلعب فى رجله من تحت الترابيزة فى الدرس وانا قاعدة جمبها وهو عشان بيحبنى وبيراعى ربنا فيا مرضاش يقولى ويزعلنى مع انى شوفتها واستنيت اشوف مين اللى غلطان وحيقولى تخيلوا هو اللى قالى صاحبتك عملت معايا كده انا برده عديت ومرديتش اعمل معاها مشكلة واحرجها قدامنا كلنا ودخلنا كلنا الكلية والشخص ده اللى هو كاتب كتابى حاليا قابل والدتى واقتنعت بيه بس حصلت مشاكل اجلت خطوبتنا وانا قولتلها ان ماما متضايقة منه ومش عاوزانى اروح الكلية عشان مااشوفهوش وفى يوم كان عندنا محاضرة من الساعة 8:5 وقولتلها انى ححضر وحكون فى البيت ع 8.30 وقولتيلها متكلمنيش وانا لما اروح حكلمك راحت كلمتنى الساعة 6 وقالت لماما انى محضرتش المحاضرة وراجعى البيت مع انى كنت فى المحاضرة وفوجئت بماما واخويا بيكلمونى عشان اتاخرت على كلامها وراحت تحكى لواحده صاحبتنا وهى بتضحك على اللى عملته معايا المهم اتعصبت عليها وكلمتها جامد عشان عملتلى مشكلة فى البيت راحت قالتلى يعنى اعملك ايه دلوقتى اللى حصل حصل ومن ساعتها مكلمتنيش ولا مرة تقولى اسفة او انا غلطانة متزعليش وتكلم واحدة صاحبتنا تقولها يعنى هى كان حصللتلها مشكلة مع اهلها يعنى كانت مستنيه يحصلى حاجة ورجعت كلمتها لما عرفت ان فيه عريس جايلها فى الاول كنت متضايقة منها اوى وحاسه انى مش فرحانه ليها عشان حتتخطب وكنت متضايقة من الاحساس ده اوى وحاسه انى بقيت وحشة بس بعدين حسيت انى فرحنالها اوى ورجعت معاها زى الاول واللهى وكنت بكلمها كل شوية اطمن عليها ولو عايزة حاجة بنصحها بكل امانة واللهى العظيم وقالتلى تعالى معايا الكوافير انتى واتنين من اصحابنا قولتلها ماشى اكيد حبقى معاكى وكنت قاعده على النت بشوف الميك اب اللى يليق بفستانها عشان اقولها عليه وروحت اكلمها فوجئت انها بتقولى تعاليلى الكوافير متاخر بعد ما اخلص خالص او تعالى براحتك فى الوقت اللى يريحك عشان الكوافير لازم اللى ييجى يعمل ميك اب قولتلها ماشى خلاص حجيلك متاخر مع انها قالتلى قبل كده ان الكوافير مش بيطلب ميك اب للى حييجوا وروحت متاخر رغم انى كنت تعبانة اوى وفوجئت باصحابى الاتنين موجودين من بدرى وبسالهم على الميك اب قالولوى مفيش ميك اب ولا حاجة احنا موجودين من الصبح قولتلهم انها قالتلى كده قالولى منعرفش هى مقلتلناش حاجة والكوافير مطلبش حاجة نفسى اعرف طب ليه كده انا سامحتها وكنت بعاملها بما يرضى الله وبحاول احببها فى خطيبها اكتر لانها مش راضيه عنه انا تعبت اوى ونفسيتى تعبت مش عارفة اعمل ايه كل ما بقى كويسة مع حد يرضلى الخير بالشر انا تعبت قد كده انا هبلة ومليش لازمة عند حد منهم طب بيكلمونى ليه و ليه بيعملوا معايا كده ياريتنى كنت سمعت كلام خطيبى من الاول لما قالى مروحش ولا اكلمهم تانى انا تعبت قولولى اعمل ايه انا لسه بكلمها
الثانية اللى كنت فاكرة انها بقيت انتيمى ونصى الثانى اول ما اتخطبت اتغيرت معايا ويوم خطوبتها الاولى كنت معاها ووقفت جمبها فى البيت ومسيبتهاش واول ماجالها اصحابها بعيتنى ولا كانى موجودة جمبها طبعا عديت ومتكلميتش عشان كنت فرحانلها اوى والله المهم سابها خطيبها وانا وخطيبى صالحناهم على بعض ورجعوا تانى لبعض تخيلو بدات تتعوج عليا وتجرحنى وتقولى ياترى انتى حتتخطبى امتى( ده طبعا قبل ما اتخطب كان يدوب قراية فاتحة) اكيد بعد مانتجوز ونخلف انتى حتتخطبى ومبقيتش بتسال عليا وسابها خطيبها واتعرفت على واحد تانى من على النت واتخطبيت ليه وبدات تتعوج تانى وتسالنى نفس السؤال كل شويه بمعنى كل يوم والله شاهد على كلامى وكانت بتستهزىء بلبسى انى معنديش ذوق ويوم خطوبتها قالتلى تعالى وانا مستنياكى معايا نروح الكوافير بس معاكى فلوس ولا لآ عشان اللى بيروح الكوافير مع العروسة لازم يضع ميك اب الصراحة جرحتنى اوى وانا فعلا مكنشى معايا يومها فلوس المهم مروحتش معاها الكوافير وروحتلها على البيت فى الخطوبة واول ماوصلت وروحت اسلم عليها ادارت وجها بعيد عنى وعن واحدة صاحبتنا قدام كل الموجودين كاننا جرب مع انها كانت بتسلم على كله عادى وقفت معاها وعديت اليوم ومشيت وكنت بكلمها عادى لحد مازهقت من تصرفاتها معايا وجرحها ليا بكلامها وبقيت مبتكلمنيش غير عشان مصلحتها بس فقطعت معاها عشان مكونش منافقة معاها اضحك فى وشها وانا مضايقة منها ده غير انها كانت بتخاف منى الا بكون بحسدها ودلوقتى رجعت كلمتنى من تعزمنى على فرحها قبله باسبوع قالتلى اليوم من غير ما تقولى فين الفرح بس انا كلمتها عادى يعنى كلمتها ناشف ومكلمتنيش تانى تاكد عليا مع انها كلمت كله انا مش عارفة اروح ولا لآ مع انى واللهى كان نفسى اكون معاها و اشوفها ربنا يعلم انا كنت بحبها قد ايه بس هى جرحتنى انا محتارة اعمل ايه
الثالثة كويسة معايا وبتكلمنى بس كل فين وفين يعنى مرة فى الشهر لوقدرت مشكلتها انها على طول شايفانى غلطانة وهما اللى صح نفسى يحسوا بيا ويحسوا قد ايه انا كنت بحبهم وببقى عليهم بس هما اللى دايما بايعنى مع انى والله مش شكر فى نفسى بعامل الناس كلهم بطيبة وحسن نية ومش برد الاساءة باساءة ابدا وبراعى ربنا معاهم على طول هو ده جزائى فى الاخر
كده خلصت مشكلتى بالتفصيل بما يرضى الله والله على ما اقوله شهيد عاوزة اعرف انا كده ظالمة اى واحدة فيهم ولا هما اللى ظلمونى خايفة اكون بضخم الامور مع ان امى قالتلى انى صح حابة اعرف رايكم اعمل ايه اروح الفرح وارجع اكلمهم ولا خلينى اقطع علاقتى بيهم ساعدونى انا فى انتظار ردكم واسفة طولت عليكم شكرا لقرائكم الموضوع
