امس روحت للطبيب بابنى لانه مش بينام كويس ليه اكتر من شهر ونص وحاولت معاه بكل الطرق ومفيش فايدة وبطلت رضاعة بالليل ومفيش فايدة وقلت للطبيب ان الجديد اللى حصل من شهر ونص هو انى دخلته اللحوم فى اكله وهو سنة 8 شهور و 3 اسابيع وقلتله انه مش منتظم فى الحمام بتاعه وفى غازات كتير فى بطنه لانى بسمع صوت كركبة فى بطنه -وكان رد الطبيب ان اللحوم الحمراء لا ياكلها الطفل الا بعد عام لان معدته مش هتقدر تهضمها وهى اللى سببت لابنى المشاكل دى وقالى ياكل لحوم فراخ وارانب وتكون صغيرة -انا حبيت اقولكم الموضوع ده علشان تستفادو
المهم
الدكتور بص على ابنى لقيه عنده سنتين من تحت ونموه ماشا ءالله كويس وسالنى انتى بتيدله طبعا فيتامين كالسيوم قلتله اه قالى مالوش لازمة مع ابنك طول ما الطفل نموه كويس خلاص يتغدى كويس ويتعرض للشمس وكدة يبقى تمام لكن كتر اللفيتامينات غلط وقالى الكالسيوم لما بيزيد عن حده بيعمل حصوات
انا قلت اقولكم علشان تتنبهو محدش يدى كالسيوم للاطفال الا اذا تاخر نمو الطفل فى الاسنان او كان ضعيف فى نمو العضم وشكرا ليكم
