السلام عليكم و رحمة الله و بركاته
مرحبا أخواتي حبيباتي ، كيفكن، هالأكلة من الأكلات يلي بحبها كتيير
و حبيت تشوفوا شو ساويت. 
المقادير:
نصف كيلو صدور دجاج، بهارات شيش طاووق، بصل ، بندورة، فطر، فليفلة، خل ، ملح ، زيت نباتي، دبس بندورة ، دبس فليفلة، 4فصوص ثوم مدقوق ناعم.
الطريقة:
* نقطع صدورالدجاج مكعبات متساوية و ننقعها بالتتبيلة التالية(خل ، دبس بندورة ، دبس فليفلة ،الثوم بهارات الشيش ،ملعقتين زيت نباتي ) نتركها منقوعة طول الليل لليوم التاني طبعا بالبراد.
*نضعها في طنجرة مع ربع كأس ماء و نتركها تستوي على نار هادية حوالي نصف ساعة.
*نقطع البصل ، الفطر ، البندورة ، الفليفلة، مكعبات كبيرة.
*بس تستوي الدجاج و تنشف المي نضيف الخضار و نقلب الكل مع بعض حتى تتحمر جوانبها جيدا" و تصير متل المشوية.
* تقدم مع البطاطا المقلية مع ألف صحة و هنا، و لا تنسوا تدعولي و أنتو عم تاكلوا مشان ما تغصوا(عم امزح…لا تزعلوا)
شو رأيكن*** تفضلوا شوفوا*** 
