زمان والله على تنزيل الطبخات والوصفات بس شو اعمل صرتو عارفين قصة الكهربا
المهم استغل الوقت وندخل بالوصفة على طول
امبارح كان جمعه ومعروف انو الجمعه الواحد بحب يتقل بالاكل خخخ يعني اكله محرزة وانا سويت فته غزاوية
الفته من بلد لبلد بتختلف حتى عنا هون من منظقة لمنطقة بتختلف بس المكونات الاساسية وحدا وهو الخبز الصاج او الرقاق …
الخبز ممكن يشتري جاهز بس انا عملتو بالبيت وصغرت الحجم عشان يناسب الصاج الي عندي وكمان عائلتي صغيرة انا وزوجي وبنت حماي
بعد ما نعجن الخبزات وطبعا المقدار على حسب الكمية الطحين ورشة ملح وماء دافي نتركه قليلا حتى يرتاح وبعدين نقطع العجينات ونشكلهم بالشوبك على شكل دوائر تناسب حجم الصاج ونقلب على السريع حتى لا تحترق الخبزة … اغلب المناطق بعملو الصاج بالطحين الاسمر لانوبطلع دسم واطعم بالاكل ولكن انا وزوجي بنفضل الابيض …
ما تضحكو على خبزاتي شوي معوقييين هو مو شوييي كتييير
بعد ما نخلص خبز الصاجات بنضعها على بشكير ونلفهم عشان يظلهم ساحنات لموعد الاكل ..
طبعا بطنجرة بنسوي الدجاجت وبنسلقهم وومكن نخلي الشوربة متل ما هي يعني ما نضيف علبها صلصة ولكن انا ظفت عليها صلصة وبنطلع الدجاج وبنحمرو بالفرن
عند وقت التقديم
الخبز الصاج يقطع قطع مناسبة للأكل وينثر بصينية ونشربه بشوربة الدجاج المرقة ونجعله مبلول ومشرب وطبعا نضيف المرقة شوي شوي عشان ما تطلع كمية المرقة كتيرة طبعا هون لازم لامسات زوجي بالاعداد خخخخخ
بعد تشريب الخبز المرقة ممكن نضيف رز على الوجه وممكن الاستغناء عنو وفي مناطق بضيفو جريشة القمح بدل الرز وفي مناطق بضيف فريكة وكلو زاكي وشهي
وبالنهاية بنضيف الدجاج المحمر على الوجه
طبعا لازم دقة الفلفل الحار مع هذا الطبق
بزبدية فخار بنضيف الملح والفلفل الحار وندقه بالمدقة حتى يهرس
وبعدين بنضيف المرقة عليه ممكن نضيف الكشك بيعطي نكه اذكى بس ما كان عندي للأسف
وصحتين وهنا يا رب
