المقادير
كيلو من البطاطا
حبة بصل
سنتين ثوم
اطراف لحم او دجاج الي متوفر انا حطيت لحم لكني نفضلها بالدجاج
ملح
كمون
توابل معروفة
شوية معدنوس
زيت للقلي
حبتين بيض
زيتون اخضر من غير نوى
الطريقة تقشري ابطاطا وتنقيها وتنضفيها
وتحطيها تغلي في ماء مملح
ومن جهة اخرى تحضري المرق
تحطي اطراف اللحم تتقلى في الزيت مع
مع شوية ملح وكمون وثوم
وتقطعي البصل وتضيفيه
مع التوابل
وتظيفي كاسين ماء بعدما يكونوا تقلاو مليح
لما تنضج البطاطا ترحيها او تهرسيها بالفرشاة او اي شيء متوفر خاص بالمطبخ طبعا
وتعملي كويرات وتحطي في نصهم قطع من الفرماج (جبن طري
وتحطيهم في البيض مخفوق مع شوية فرينة
وتسخني زيت في مقلاة وتحطيهم فيه يتحمرو
كما في الصور
من جهة اخرى تكوني غليتي الزيتون الاخضر مرتين او ثلاثة
وترميه في لصوص
ولما تخثار المرقة
حطي حبات السفيرية في صحن التقديم وضيفي عليهم المرق
وزيني بالمعدنوس وبالصحة والهنا
اخليكم مع الصور
اتمنى تنال اعجابكن
