فراخ بالسماق ســــــــــــــهــــــــــــــــــلة ولذيذة -طريقة تحضير

الأكلة دى اتعلمتها من حماتى الله يمسيها بالخير لأن جوزى بيحبها اوى و بصراحة احلى حاجة فيها انها سهلة اوى

تجيبى الفراخ و تتبيلها بملح و فلفل و ليمون ومعلقتين كبار سماق
تحطيها فى التلاجة 8 ساعات على الاقل
تطلعيها من التلاجة و تحطيها فى صينية و تحطى عليها بصلة كبيرة مبشورة و فنجان صغير زيت
تحطيها فى الفرن ساعة لغاية ما تستوى اواكتر حسب حجم الفراخ و بعدين تشغلى الشواية دقيقتين كده عشان تتحمر
بتتاكل جنب رز ابيض و بالهنا و الشفا

ملحوظة : ممكن تستخدمى فراخ كاملة او مقطعة