وبصراحة الاخوات هنا فى المنتدى ساعدونى جدا
مشكلتى اللى كنت عرضتها قبل كده
كانت بخصوص واحد متقدملى
وكان فيه كل المواصفات اللى تتمناها اى انسانة
لكن انا ماكنتش مرتاحاله نفسيا
وكنت بحس بإحساس مش كويس نحيته
وكنت حاسة انه بيترسم بمعنى انه بيبيّن انه مميز فى كل حاجة
وان كله مزايا ومفيش ولا عيب
المهم انا رفضته….والسبب الاول والاخير كان عدم الراحة النفسية
وانا عارفة لو كنت ارتحتله كنت هاوافق عليه مهما كانت عيوبه وكنت هاحاول أصلحها
دى كانت مشكلتى الاولى
مشكلتى دلوقتى ان الموضوع ده فات عليه تقريبا 3 شهور
ودلوقتى هو عايز يتقدملى تانى
وعرفت كمان انه بيحبنى ومتمسك بيا
فيه ناس رأيهم انه يدخل البيت تانى ويتقدم واوافق عليه
لان مفيش فيه عيوب
وناس تانية بتقول انه اكييييييييييييد متقدم علشان يرد كرامته لانه اكيد كرامته اتجرحت لما اترفض
وعايز يرد كرامته تانى
وبين ده وده انا محتارة
مش بس بسبب الاراء المختلفة دى
لكن لانى لسه لدلوقتى مش حاسة ان ده اللى هاكمّل معاه حياتى
انا كان نفسى لما واحد يتقدملى كنت احس انى مرتاحاله من اول مرة
انا عارفة ان ده صعب لا ده مستحيل كمان
بس على الاقل كنت عايزة احس ان ده اللى هكمّل معاه حياتى
هو والله كويس والناس بتشكر فيه
بس المشكلة اكيد فيا انا
مش عارفة انا كده رومانسية وسطحية ولا ايه؟؟؟
انا صليت استخارة كذا مرة
وفى كل مرة مش باوصل لحاجة
ياريت لو كان حد له تجربة زى بتاعتى وكان محتار زيى
يقول لى عمل ايه فى الاخر
ويارب الاقى عندكم النصيحة
وجزاكم الله كل خير
