كيفكم يا بنات أحلى منتدى
مشتااااااااااااااااااااااااااااقه لكم موووووووووووت لكن رجعت لبلادي واهلي وانشغلت مع الناس والعالم الجديد وماعاد فيه وقت للمشاركه…بس مو معناها إني قطعت المنتدى ….ابدا …كل كم يوم لازم اطل عليه واشوف احبابي …بس بدون مشاركه لان المشاركه تحتاج متابعه
المهم من الشوق لكم نسيت الموضوع
انا عندي ولدي عمره عشره سنين…وولد قريبتي نفس العمر وقريبتي هذي لظروف خاصه زوجها بعيد عنهم وهي عن اهلها …وبعض الأوقات في الاجازات مثلا …أهل الزوج يتمسكون في ولد ولدهم ويجلس عندهم لمده لا تقل عن اسبوعين وبرغبة الولد طبعا…الأم ترفض لكن تستحي من منعه عن أهله فتتركه…اهل زوجها من النوع اللي يدلللللللللللع عالاخر كل طلبات الولد مجابه …الفلوس ياخذ على كيفه…بس في المقابل أعمامه فاشلين(الحمدلله الذي عافانا مما ابتلاهم به..)لا دراسيا ولا اخلاقيا…لكن الأم والأب طيبين وحبوووووبين
بعكس أهل الزوجه المعروف عنهم التفوق الدراسي والأخلاقي والتربيه الصحيحه (ماشاء الله عليهم)
المهم في الموضوع..قبل كم يوم كنت انا وولدي في السوق..قال لي ولدي: ماما ودي أجرب الدخان(السجائر)
قلت : نعم؟؟؟؟؟ ايش يعني؟؟
قال : ابغى اجربه زي أحمد(الولد اللي ذكرت قصته)
قلت: من قالك أحمد جربه؟
هو قالي يقول عمه كان يشرب دخان ويوم طفا السجاره اخذها وولعها وجربها
طيب انت تعرف خطورته وتعرف انه حرام؟
ايه اعرف بس شويه معليش وخلاص اتوب
قال: ويقول احمد بعد كان عنده فلوس وراح اشترى علب سجاير وباعها وكسب فيها !!!!!!!!!
قلت: اييييييييييييييييش؟؟؟؟ بعد باع ياويله من ربي عارف انت الفلوس الحين وش صارت ؟؟؟؟؟؟كلهاحرام لانه باع شي حرام
(المهم وقتها كنت في السوق وماحبيت اناقشه وانا ما ادري ايش ارد عليه بالزبط وتعرفون الأطفال هالوقت يحبون النقاش ولا ينتهي حتى لو جلستي للصبح)
بعدين واحنا ماشين في ممر السوق لقي علبة سجاير مرميه …قال ماما أحمد يقول ان النوعيه(ما ادري ايش قال بالزبط) هذي احسن نوعيه …وانا (لاتعليق) ..ماما شوفي مكتوب عليها تسبب سرطان الرئه و…
قلت:شفت ؟؟ عمرك اشتريت شي ومكتوب عليه يضر بالصحه ؟ قال لا …قلت كل الاشياء اللي تنأكل وتنشرب عليها تاريخ صلاحيه لكن الدخان ماعليه لانه خربان اصلا …ولو ماهو خربان كان ماكتبوا عليه هالكلام
وانتهى النقاش ولاعاد فتحنا الموضوع
اسئلتي الحين
ايش اسوي مع ولدي؟
اتمنى اني اوصل هالكلام لقريبتي عشان تمنع ولدها نهااااااائيا من تركه عند اهل زوجها بدونها.
لكن في نفس الوقت ما ابغى الأم تناقش ولدها بالموضوع عشان مايعرف ان ولدي افشى سره.
لاني اخاف بعد كذا يصير يقول له أشياء ويحذره من اخباري.
بتقولون قولي لها ماتناقش ولدها (بس انا متأكده مليون بالميه انها راح تناقشه ولاراح تسكت عالموضوع لو عرفت)
كيف اتصرف اتمنى افادتكم؟؟؟؟؟؟؟؟؟؟؟؟؟؟؟؟؟؟؟
