المهم
بابا عندة محل او اقدر اقول معرض كنت بساعد بابا كتير من ايام مكنت فى اعدادي لحد مخلصت معهد وانا بقف في المحل والله انا فكرة ايام الامتحانات كنت بطلع من الامتحان ومعايا كتي المادة التالية واروح المحل علشان اساعد بابا
وحولنا كذة مرة ان احنا نجيب بنت تشتغل وتساعدني بس لصعوبة الشغل مفيش بنت كانت تحب ان هي تطول في الشغل لانة متعب بمعني الكلمة
وانا كنت رفضة ان بابا يجيب ولد او شاب يشتغل معايا علشان مش بحب كدة
لانة هيفضل طول اليوم قاعد معايا وانا مش بحب الاختلاط الي يزيد عن حدة
المهم
انا من وقت مخلصت دراسة وانا الي مسؤلة عن المحل لدرجة ان انا كل يوم بصحى من النوم واروح افتح المحل من الساعة8ونص لغاية 10 ونص من غير محد من اخواتي حتى تفكرانها تيجى تعد معايا مش لازم تساعدني بس حتى تسليني نتكلم مع بعض تقصر عليا طول الوقت وتخفف عليا الوحدة
الي ببقى فيها طول اليوم
المشكلة بدئت لما ظهري بدء يتعبني جدا من كترة شيل البضاعة التقيلة الي سعات بتوصل لكراتين حديد ونحاس ونواكل وحجات كتيرة اوي وتقيلة جداولما بدئت اشتكي من تعب ظهري استاذنت باباانة لما اختى الي ممكن تقف مكاني الى اصغر مني على طول تخلص امتحانتها تقف مكاني في الدكان لانها مش هتعمل اي حاجة من الي انا بعملها هي كل الي هتعملة تكتب الطلبات وتحاسب بس علشان بابا مش بيحب يلبس نظارة القرائة كتير واوقات كتيرة بيغلط في الحساب
بابا وافق اني استريح اللاسبوعين دول لواختى وفقت انها تروح المحل بس خطبها اول مشفها وقفة في المحل اتنرفز اوي وقال مينفعش انا بغير عليها انا مش بحب كدة انا ….. انا….. وطبعا زعلها وزعل منها لما عرف ان بابا موافق انها تقف مكاني
بقت ترجع كل يوم بليل مع بابا مترضاش تكلم حد ولا تاكل ولا تشري ومقلوبة علينا كلنا ولما انا فتحت الموضوع مع ماما وقلتلها خلي بابا يقولة انة ملهوش حكم عليها طول مهي لسة في بيت والدها
وهي مش بتعمل حاجة عيب ولا حرام دول هما اسبوعين الدكتورة طلبت مني اني استريح فيهم وكل يوم عندى جلسة علاج طبيعي ماما ترد عليا وتقولي دة بيقول انة بيغير عليها تكلم شباب لان اكتر زباين المحل فعلا شباب ورجالة بس انا رديت على ماما وقلتلها ان بابا مش بيسبها تعد لوحدها هو على طول معاها
والله انا مش شيفة ان خطيب اختي بيغير عليها اكتر من خطيبي لما بيغير علية دة والله اوقات كتيرة يزعق لاخوة الصغير لما بيلقية بيهزر معاياقدامهم كلهم ولما اقولة مينفعش يزعق لاخوة بسببي بالاخص قدام والدة وولدتة يرد عليا ويقولي انا بتجن لما بلاقي حد بيتكلم معاكي حتي لو اخويا لانى بغير عليكي
وفي مواقف تانية كتيييييييييييييييير بيغير عليا لدرجة ان انا قلتلة انى بتخنق كدة
بس لما يجي الموضوع للمحل ووقفتي فية طول اليوم كان بيقول دية حرية شخصية وانا شايف ان مفيش حد هيخاف على ممتلكاتكم قدكم بس النصيحة الى كان ديما يقولهالي خلى بالك من صحتك وانا عارف انك جدعة وهتحافظي على نفسك طول مانتي وقفة لوحدك
وكنت لما بزعل من بابا مكنتش بروح المحل ولما يتصل بيا ويلقيني في البيت يعد يقولي يعني انتي علشانزعلانة من بابا تمسكية من ايدة الي بتوجعة قومي استهدي بالله وروحي لبابا دة ميقدرش يستغنى عنك دة شغل والشغل ملهوش دعوة بزعلك منة خلي دلعك علية في البيت
وانا كمان شيفة ان الغيرة ملهاش دعوة بالوقفة في المحل لكن موقف خطيب اختي دة يعتبر تحكم مش غيرة
بس مفيش حد قادر يفهمني
وبابا علشان يريح نفسة ويكبر دماغة ويخلي اختي تاكل وتشرب وافق على طلب خطيبها
انا زهقانة ومش عرفة اعمل اية حسة ان بابا بعد كل الي انا بعملة شايفني اقل من بقية اخواتي شايف ان خطيب اختي غيران عليها
وانا مستهلش ان خطيبي يغير عليا
انا تعبانة زيادة عن تعبي
عيزة حد يريحني واقولي اعمل اية
انزل تاني المحل ؟؟؟؟؟؟
ولا اعتبر نفسي زي اختي ومروحش تاني خالص؟؟؟
