يارب يا بنات تكونوا كلكم كويسين
عندى لكم 3 اسئله
شوفوا امى الله يحفظها لى ويخلهالى اشترت لى وانا بتجوز حلل للطبيخ
طقم حلل الومنيوم وده كان اجبارى على ماما قالت لى مينفعش عروسه عندنا تدخل من غير الومنيا
طقم حلل صاج
طقم حلل تيفال وده كان طلبى
طقم حلل استاليس استيل بغطا استليس
اول ما اتجوزت طلعت حله من كل طقم
والوقتى بستعمل الالومنيا مع الصاج وساعات يبقى نفسى استعمل واحده تيفال
اما الاستليس استيل مستعملتش منه غير المقاله ومقلاه التيفال برده
انا شرحت الوضع لكم بالتفصيل
اسئلتى بقى
السؤال الاول
استعمل اى طقم فى دول ؟
السؤال الثانى
ازاى احافظ على الاطقم اللى مش هستعملها جديده وكويسه عشان متبوظش؟
السؤال الثالث
ازاى احافظ على الاطقم اللى بستعملها من النار وانها تتحرق من بره ؟
ياريت اجوبه على ال3 اسئله الله يجزيكم خير
