قصيدة ولو انها بالعامية لكن حلوة وتحكي الواقع
يا رب منك الثبات***شفت المنكر بالبنات
الملبس عاري وضيق***والتفنن بالعباة
الفتحة لين حد الركبة***اللهم لا شمات
إن دنقت تاخذ حاجة***لو كان فيها ولد مات
والشعر محلوق كله***أتقلد هالغربيات
المرأة كلها عورة***إلا وجهه بالصلاة
وأخلاق ما هي مقبولة***ما هي للعرب عادات
لو لبست ثياب الحشمة***مستورة ومكسيات
كل يبي يعجب فيها***وترضي رب السماوات
تكفون روحوا للملاهي***وشنوا عليهن حملات
وشوفوا وش يحصل داخل***من سلوك وحركات
والله يا شي نشوفه***في وسط قصور الحفلات
ما كانني وسط بلادي***وبمهبط الرسالات
والى نصحتيها قالت***أنا بتبع هالموضات
عادات جتنا من برى***ما هي لامي والجدات
وراهم ما قلدونا***في ملبسنا والعادات
ليش إحنا نجري وراهم***وانتابع هالمجلات
ما قصدهم سعادتنا***إلا غزونا بالذات
والأم وشو واجبها***إلا تربي هالبنات
اتابعهن واتراقبهن***والهاتف سم الساعات
ياكم مشكلة سواها***وخلف ويلات وحسرات
والله يا شي نسمع به***يجرح قلوب صلبات
واللي اهمل بنته يجني***أثمار مرة وآهات
والمؤمن والله يتألم***كنه ماسك له جمرات
وفيهن رفلى كسلانة***ماتحمل واجبات
أكلها يجي من برى***من مطاعم خايسات
إلى جاء رجلة من شغله***يبي كبسة وقريصات
قالت هذا ما اعرفه***هذا زمانه قد فات
رح جب لك خبزه من برى***وإلا بروست ومشويات
حط اشماغة على كتفه***واقفى يسحب له ونآت
يا خريف وين الشخصية***وشو دورك في الحياة
قم عليها وأدبها***بعقالك سبع جلدات
والا لهلها رجعها***ودور لك من السنعات
خذ وحدة تبيض وجهك***إلى جاك مناسبات
وفيهن عفيفة شريفة***ماتتساوى بجنيهات
درة كل يتمناها***أصيلة من الأصيلات
أخلاق ربي عطاها***واتحافظ على الطاعات
وفي الشباب اكلابة مطاعم***تنبح على القاذورات
يشيل الهاتف وايكلم***وايكون به علاقات
يخدع هذي ويواعدها***لا خوف ولا مراعاة
لو أنة خايف من ربة***له أم وله اخيات
هو يرضى أحد يكلمهن***أو يرضى بمعاكسات
ما فكروا بالعواقب***كل منهم في غفلات
اسأل ربي ايهديهم***ويرزقهم خوف وطاعات
واختامت قولي ذكر الله***وعلى النبي صلوات
وسلامتكم
ف-ح-ب
——————
من ساءه سبب أو هاله عجب***فلي ثمانون عامالا أرى عجبا
الدهر كالدهر والأيام واحدة*** والناس كالناس والدنيا لمن غلبا
