ياريت تقولوى اعمل ايه محتاجه رايكم موضوع اجتماعي

انا اترددت كتير قبل ما اتب موضوعى بس انا عايزة راى من حد ما يعرفنيش يعنى يكون رايه محايد ميقفش فى صفى او فى صف جوزى

انا متجوزة بقالى سنتين تقريبا ومشاكلى فى الجواز بدات من قبل الجواز حاحكى حكياتى لكيم وياريت تفيدونى

انا عندى 23 سنه اتجوزت بعد ما اتخرجت باربع شهور وكان جوازى فى اسبوع واحد بس يعنى اول مرة ه فيها قرينا الفاتحه وبعدها باسبوع كتبنا الكتاب وهو مسافر للخارج قعد معايا شهر واحد بس بعدد كتب الكتاب مكناش لسا اتجوزنا وكانت مامته كل مشاورنا معانا فى حين ان احنا عايزين نتعرف على بعض اكتر بس هى متعلقاه بيه لدرجه مرضيه مفيش ولا مره جوزى جالى البيت عند اهلى لوحده لازم هى تكون معاه
المهم انا عديت كل ده ومعملتش عليه مشكله وقبل ما يسافر خرجنا احنا التلاته وجابلى بلوزة ومن ير ما نقصد حناها فى العربيه من غير ما تشوفها زعلت عليها وعملت مشكله انه ازاى يجبلى حاجه من غير ما تعرف وعملوا مع بعض مشكله وانا والله يشهد على كلامى صالحت ما بينهم وهديتهم وبوست راسها
وبعد كده سابنى وسافر واقعدت معاها اسبوع فى شقتها عشان شقتى جنبها وكنا بنعمل فيها تشطيبات تخيلوا اقوم من النوم تقولى انا زعلانه منك بقلها ليه خير قالتلى ازاى متغسليش الاطباق اللى فى الحوض وانا لسه عروسه وجوزى سافر المهم قلتلها معلش مخدتش بالى
بعد كده هى سافرت عند ابنها وكنا من ضمن الاتفاقات ان احنا نعمل اوده للاطفال فجوزى سافر وقلت انا اللى اعملها المهم هى مردتش تسافر الا لما تشوف الاوده وبعد ما عملتها قالتلى انها جميله ولما سافرت عند ابنها قلتله الاوده مش عجبانى فبالتالى معجبتوش من غير ما يشوفها فابابا عشان ميعملش مشكله وميخليش جوزى محتار بينى وبينها قاله انا هاشيل الاوده واديلك فلوسها وانت اعملها زى ما انت عايز
هى راحت قالتله ان الاوده مش حلوة وهاتبوز باقى العفش تخيلوا
المهم والدى شال الاوده
جينا قبل معاد الفرح وجوزى نزل هو ومامته وجينا بقى لبدايه المشاكل قبل ميعاد الفرح باسبوع بابا بيقولوا على القايمه تخيلوا قالت ماماته لبابا احنا مش بنكتب قايمه انتوا كده بتخوننوا وانا ابنى مفيش زيوا

وهو طبعا معاها حتى مش بيحاول انه يرضينى باى طريقه وقالى انى واقفه مع اهلى ضده وحصلت المشكله وقالى انا حجزت ميعاد الفرح عايزة تيجى اهلا وسهلا تخيلوا والله قالنا كده المهم بابا برضه عشان ميبقاش اسمى مطلقه قبل ما اتجوز قاله انا مش عايز قايمنه يا سيدى وهاخد منك عهد الله انك تحسن معامله بنتى وبابا عرض عليه فلوس الاوده اللى معجبتوش ومرداش ياخدها قال مش عايزها
واتجوزنا وحماتى بدات معايا المشاكل من اول يوم والله فى الفرح بقت تاخده فى حضنها بهستيريه زى ما يكون هاموته
وبدات اول مشكله ليا معاها لما رحت اسبوع للفسحه انا وجوزى وقلت لجوزى خلى مامتك تشيل الفلوس اللى فى الدرج معاها تخيلوا اتهمتنى نانى عامله تمسيليه ان مفيش فلوس فى الدرج ولا حاجه عشان اتهمها انها هى اللى اخدت الفلوس من غير ما اعرف وانا كل ده مش عارفه حاجه جوزى مخبى عليا لحد ما نرجع واول مادخلت من بابا الشقه رحت على الدرج وطلعت الفلوس وقلتله الفلوس موجوده اه امال ماماتك بتقول مفيش حاجه ليه وعرف انى مظلومه فى اللى هى بتقوله وحصلت كذا مشكله منها وكنت اجيبلها هديه من السعوديه ترميها فى وشى تقولى مش عايزة حاجه لحد ما جالى انهيار عصبى من اللى بتعمله فيا

المهم جوزى سافر تانى وهى معاه وكل ده وجوزى مش راضى يقدملى انى اسافر معاه ورجعت عند بابا تانى وقعد 8 شهور وجم هما الاتنين حملت فى الفتره ديه وطبعا هى شغاله مشاكل معايا وقدامه اكنها مبتعملش حاجه حسبى الله ونعم الوكيل
المهم قعد معايا شهر ونص وسافروا ومامتى لما حماتى نزلت معا جوزى بتتصل تسلم عليها مرديتش ترد عليا على التليفون وانا واقفه قدامها بقولها ماما عايزة تسلم عليكى تقولى مش عايز اسلم على حد تخيلوا ومامتى سامعه كل ده على التليفون وكانت حجتها ان ماما مكنتش بتسال عليها وهى بره

المهم جوزى سافر وهى معاه ونزلى قبل ما اولد بفتره وفتح معايا موضوع فلوس الاوده اللى بابا عرض عليه فلوسها وقال ان بابا ضحك عليه واكل عليه اتفاقه المهم عشان بابا ميعملش مشكله وميخليش جوزى يزلنى بيهم بعتهم نقطه لبنتى لما ولدت وبعد ولادتى اختى اقعدت معايا عشان تساعدنى تخيلوا يوم العقييقه اللى كان عاملها لاهله يقول لاخته على التليفون كانت عاملهلاه بصوت عالى وانا سمعته بتقله مش هاتيجى عشان الناس اللى عندك قالها لما اختها واخوها يمشوا بعد ما اخد الفلوس

المهم حصلت مشكله وانا كنت هاسيبله البيت وامشى وهدونى انا واختى والمهم اتصالحنا ورجع معايا عند بابا عشان يصالحه هو وماما

وعمل يوم عقيقه تانى لاهلى وبقى انسان كويس معايا لان مامته مكنتش معاه نزل المره ديه من غيرها المهم هى فضلت تحاول تخليه يسافر ليها قبل ما ميعاد تذكرته تخلص وسابنى انا وبنته وسافر

المهم بعد ما سافر رجعت تانى لبيت اهلى ومعايا بنتى وحصلت بينا مشكله وهى ان كان فيه فرح لبنت خالتى وكلنا كنا رايحين واحنا مره كنا بنتكلم مع بعض على النت فا من ضمن الكلام قلتله لما اروح الفرح هابقى اعمل كذا قالى هو انتى استاذنتيتى قبل ما تروحى قلتله ما انا بقلك وبعدين انا رايحه مع باباى ومينفعش اقله لا لانى فى بيته تصرفاتى مش من دماغى لانى مش لوحدى
المهم بابا عرف انه مش راضى يودينى الفرح معاه بابا كان اول مره ياخد منه موقف ويزعق معاه وقاله ازاى تقول لبنتى مترحش وانا معاها انا مش مالى عينك وبابا مكنش بيزعق اوى بس كان متنرفز من كلام جوزى
المهم انى نفذت كلام جوزى ومرحتش وبعد كل ده يبعتلى رسايل على الموبيل يقولى انى مش متربيه وان باباى معرفش يربينى لانى سبب كل المشاكل
وحاولت انى ابعتله صور بنته بعد كل اللى قالهولى قالى انا مش مستنى اذن منك عشان اشوف بنتى

ولحد دلوقتى مش بنكلم بعض بقالنا اكتر من شهر ونص وانا مش جايلى قلب انى اكلمه بعد ما هزقنى كده
ومامته بتقول هناك انى حرماه من بنته ومش بطمنه عليها

بالله عليكم انا عارفه انى طولت عليكم بس ياريت تقوقولى اعمل ايه انا محتاره والله بجد محتاره وصابره عليه كتير