الفشيلة هي المواقف المحرجة التي تمر علينا .. وقالت العرب تفشل الرجل أي طاح وجهه 
والفشيلة مأخوذه من الفشل … والفشل .. هو صفة تطلق على مؤتمرات القمة العربية وهي مرتبطة بالشجب فيقال شجب الحكام العدوان الاسرائيلي أي فشلوا 
ويمر على الانسان الكثير من المواقف المحرجة التي تصيبة بالفشيلة 
هذا موقف حصل لزوجي كان يمشي على عجل وكان عطشان يبي يشتري مويه ودردب ويصطدم باب المحل الزجاج يظن انه مفتوح وهات ضحك من اللي بوسط المحل ورجع زوجي يلفلف يمنة ويسره الله لايفشلنااااااا
ومن المواقف الاخيرة التي مرت علي وفشلتني … قبل كم يوم رحت السوبر ماركت اشتري اغراض للبيت … ودخلت واخذت العربية احط فيها اغراضي ليش اسمها عربية مو انجليزي يمكن لانه لازم احد يحركها 
ويمشيها على كيفة!!!! (خخخخخخخخ) المهم بديت امشي بالسوق … وكم من طفل كدت ادهسه بالعربية لاني معرف اسوقها وكم من امرأة بغيت اتوطا عبايتها 
خلصت الاغراض ومن ضمنها حبتين توكس وجيت عند المحاسب وجا دوري … المهم المحاسب سعودي … حسب اغراضي وخلص وحطوها بالاكياس وجيت اخذها واطلع ….
وفجأة !!!! 
.. قال .. صديق طلع تويكس من جيب … انا كنت ناسيتهم في جيبتي ولا حاسبت عليهم … وحسبوني سارقتهم وتعالوا دورو وجهي قدام الناس وسمعت صوت ضحكة ودفعت ريالين وطلعت ما ادري وين طريقي
ومن المواقف المحرجة المفشلة التي قرأتها وسمعت عنها (ياسر العظمه على غفله !!!) قصة مريم والرضاعة
مريم فتاه بالعشرينات … لها عائلة كبيرة واقارب كثيرون وخاصة من الرضاعة وهي لاتعرفهم جميعاً بسبب كثرتهم … وفي احد الايام اتاها والدها وهي تجلس بغرفتها تمشط بقرونها الطويلة استعداداً لقصهن مدرجات ولا مدري ايش …
وقال يا مريم … قالت لبيك يبة … قال بنتي روحي سلمي على اخوانك وقرايبك بالرضاعة … قالت استحى يايبه مااعرفهم …. قال لاتستحين ولاشى ذولى اخوانك ….. قالت ابشر يبة وراح ابوها غرفته يجيب شغلة …. المهم نزلت مريم للمجلس ولقت اخوانها اربع شباب سلمت عليهم وباستهم لانهم اخوانها بالرضاعة وجلست تسولف معاهم شوي المهم رجعت لغرفتها … وجاء ابوها بعد شوية قال وينك ما سلمتي على اخوانك قالت توني رحت المجلس وسلمت يبه وينفجع ابوها ويصرخ فيها يا بقرة اللي بالمجلس ذولي ربع اخوك!!!! اخوانك بالرضاعه عندي بالملحق …. اخويا اخوها ما صدقوا خبر
نكمــــــــــل ….
