السلام عليكم ورحمة الله وبركاته…
أول شيء …أنا الحين أكتب الموضوع ..وضحكتي شقاقيّة..يعني فرحانه مرّة مرّة ..
السالفة وما فيها..
لما كان عمر بنتي 4 أشهر رحت لمكة المكرّمة نعتمر وشفت البياّعين اللي يبسطون على الأرض عندهم سجّادة للصلاة بس بحجم صغير ..عجبتني ..وإشتريتها..وصرت كل ما صلّيت أي صلاة وبنتي تكون صاحية مو نايمة..أحطها على السجادة ..وأقولها الله أكبر(وأرفع يدي علشان تعرف التكبيرة..)وهي طبعا ما كانت تقعد بس مستلقية ..زوجي يضحك ويقولّي توالناس عليها بعدها صغيرة..لكن الحين sid <–دموع فرح..(وينك يا غنّاتي تسلفيني دموعك
)عرفت الحين إنها حتى لو ما تفاعلت معي بالصلاة ..كانت _والله أعلم_تخزن بذاكرتها هذه الحركات..
لأنها أمس وأنا اصلّي العشاء فرشْتُ سجادتها مثل ما أفعل دائما ..وإذا بثمرة جهودي تتجلّى أماميsid راحت إبنتي تسجد ثم ترفع رأسها وتسجد ثانية ..وتحرّك سبابتها ثم نظرت يمينا..
فشمالا…
لم أنتظر ولا لحظة واحدة..سجدت فورا أشكر الله تعالى على هذه النعمة ..أو الأمانة بالأحرى..
أسأل الله أن ينلتها النبات الحسن ..اللهم آمين..
