دجاج مع خضار وصويا صوص… -طريقة تحضير

عملت إمبارح أكلة كتير طيبة ولذيذة على الغذا وهاي أول مرة بعملها بس النتيجة وطبعاً لازم أخواتي حبيباتي يعرفو الطريقة وإلا راح تكون خيانه إني بعرف شي طيب وما أتكلم عنو..

المقادير:

2 باكيت صدور دجاج

1 كوب بازيلاء

1 كوب ذرة

نص كوب فطر مقطع

2 عصير ليمون

ملح – فلفل – بهار

حبة ثوم كبيرة مدقوقة

2 ملعقة كبيرة صويا صوص

1 ملعقة كبيرة نشاء مذابة في كوب الماء (وممكن تزيدي الكمية حتى تصبح الصلصة سميكة قليلاً)

شرحتين كبار زبدة..

الطريقة..

غسلت صدور الدجاج منيح ونقعتها بهذا الخليط: ليمون- صويا صوص- ملح وفلفل وبهار وحبة الثوم وتركتها حوالي ساعة ..

جبت مقلاه وحطيت فيها زبدة وبلشت أقلي الدجاج واقلبو من الجهتين حتى إحمر لونو واستوى نص إستواء ..

صفيت الدجاج في بايركس .. وبنفس المقلاه قلبت الفطر والبازيلاء والذرة وحطيت عليهم الماء مع النشاء حتى بدأ يتماسك ونصب الخليط فوق الدجاج وتوضع في الفرن حوالي ساعة…

وتقدم مع أرز أبيض (أنا هون حبيت أحط معو شوية زعفران للون والنكه) أو فتوش أو أي سلطة بتحبيها…