اول حاجة حطينا القرقوش بااااااااهي وكان ينقص اصغر من هكي خير خلوه يشكشك في الدهان
وبعدين حطو كل شي بوه على خوه (( طريقة عصرية هادي ))
احني نحطوا في عدس وبازليا وحمص بصل اخضر شوية طماطم عادي كله يتكل اللي يبي حلبة باهي
حطو كل شي على بعضه تطلع مليحة ديرو زي ما نقلكم بس
بعدين حطوا الدباير طماطم حكة – فلفل احمر – بزار – ملح وخلوهم يشكشكوا شوية
بعدين صبوا شوية امية باش يطيب اللي حطيتوه كله وخلوها تغلي مشوار
وبعد ما يطيب كل شي امرقوها صبولها اميتها وخلوها تغلي تغلي
بعدين جيبوا الرشتة طبعا مش فالحات زي زمان الرشتة من الدكان واتية
غربلوها ماهو تبدا هلبة دقيق
بعدين حطوا الرشتة وروس فلفل خضر ملاح
وخلوها اطيب واطفوا عليها
بعدها سيادتي سادتي صبوها في تبسي والا صونية والا اللي هوا وكولوا صحى
وتوا السلام عليكم ،،، منقول للأمانة
