السلام عليكم ورحمة الله وبركاته اخواتي هذه اول مرة انزل موضوع واتمنى انه يعجبكم وتجربوه
وواضح من العنوان انها اكلة متلاعب فيها شوية الا وهي اكلة القلقاس
والقلقاس طبعا اكلة رسمية ولكن انا ما كنتش بحبة
خاااااااااااااااالصلحد ما ذقتة عند حماتي والحقيقة عجبني
وقررت اعملة واجرب ولكن وجدتة غالي شوية في المملكة ومش موجود كتير
ووجدت البطاطس بكثرة ما شاء الله وسعرها رخيص خالص ومن هنا جائت الفكرة؟؟؟
وقلت لزوجي هاذوقك احلى قلقاس وقد كان والحمد لله
والمقادير نفس مقادير القلقاس بالضبط والطريقة كمان
وهي
بسم الله
3-حبات بطاطس وسط مقطعة مكعبات زي القلقاس
4-اكواب شربة او ماء وممكن زيادة اونقصان
3-فص ثوم مفروم
1- ربطة كزبرة خضراء مفرومة
1/2 ربطة سلق مفرومة
ملح وفلفل وبهارات وكزبرة ناشفة
الطريقة
نحط الشربة تغلي ع النار وبعد تمام الغليان نضيف البطاطس
وبعد ما تستوي نص سوى نضيف الكزبرة الخضراء والسلق ونحيَقها بالملح والبهارات تمام
وبعد كدة نحمر الثوم بسنة زبدة وزيت ونضيف الكزبرة الناشفة تتحمر معاه
بتدي طعم هايل
وبعد تمام السواء نطش البطاطس بالثوم
والف هنا وشفا
واتحدى اي حد يقدر يفرق بينها وبين القلقاس العادي
مستحيل تلاقي فرق تحدي
وياريت تجربوه وتقولولي ايه رايكم فيه
ياريت
وجزاكن الله خيرا وآسفة ع الاطالة
والسلام عليكم ورحمة الله وبركاته
