دى وصفة سهلة جدا
اسمها الفطير السويدى
ومقاديرها بسيطة وطعمها خطير
المقادير
4 كوب دقيق
2 كوب زبدة
2 ملعقة صغير بيكنج بودر
من 9 ل10 ملاعق كبيرة مياه بارده للعجن
بيض وفانيليا لدهان الوجه
الطريقة
هنضرب كل المقادير مع بعض فى العجانة لغاية مانحصل على عجينة طرية ومتماسكة
بعد كده نبدأ نشكلها زى ماحنا عايزين ونحشيها بالجبنة والعجوة او بالمربى زى ماتحبى
انا حشيت جبنة رومى وجبنة بيضة وعجوة
بعد كده تدهنى الوش بالبيض وتدخليها الفرن
انا خبزتها فى فرن الكهربا على حرارة 200 لمدة تلت ساعة او لغاية ماوشها يحمر
هسيبكم مع الصور وهوضح بالصور ازاى قطعت العجينة وعملت شكل النجمة
