أوّلا.. كل عام وأنتنّ جميعاً بخيييييييييييييير 
( بدري )
الموضوع… إنّي كم مرة أقرأ هنا بالمنتدى… والمنتديات الثانية عن ( الكثيرا ) ومفعولها السحري على الشعر وتكثيره ….
لذلك قرّرت إني أشتريها وأجربها… لا سيما إنها شي طبيعي ( يعني إذا ما نفع ما يضر ) 
وفعلاً اشتريتها…وسويت بحث في المنتدى علشان أعرف تفاصيل استخدامها !!!!
مبدئياً … اشتريت ربع كيلو بس… من الكثيرا اللي لونها أبيض… وهي تشبه الأظافر الطويييييييييلة.. ونقعت منها مايقارب ملء قبضة اليد أو أقل شوي..و غمرتها بالماء الدافئ اللي يغطيها…لكن ما مر ساعة إلا هي شربت الماء…وأنا أزيد…لين ما حطيت تقريبا كوبين ماء 
وتركت لين ثاني يوم ( حوالي 12 ساعة ) …لكني لقيتها جامدة….كأنها كريم جليسوليد
وصراحة أنا الحين حطيتها بشعري وقلت أستشير أهل الخبرة !!
سؤالي : ( قلتي قصة حياتك وحياة الجيران وتوك ما سألتي !!
)
** كم الكميّة اللازمة في كل مرة من الكثيرا والماء …. لأن الكمية اللي سويتها كانت كثييييير أحسها انتفشت…. يعني أنا حطيت بشعري وبقى كثييييييييير ( أنا شعري نازل عن كتوفي وكثافته عادية ) ؟؟!!
** إذا زاد معي ممكن أحفظها في الثلاجة وأستخدمها مرة ثانية ؟؟
** هل هي راح تتعبني علشان تنظف من شعري لما أغسله ؟؟!!
** وشلون تكون كثافتها … يعني زي الكريم ولا زي الجل ؟؟!!.. يعني ثقيلة ولا خفيييفة ؟؟!!
** أنا قرأت تحقيق كامل عنها هنا بالمنتدى ..لوحدة – ما أذكر اسمها… الله يجزاها خير -… كانت مسوية لقاء مع العطارين عن الكثيراااا… وكانوا يقولون إن إذا تبين التكثير لازم تفركين بها منابت الشعر… وأنا كذا سويت…بس ما أدري لازم أحط من تحت ؟؟
** وبعدين لازم أغطي شعري بطاقية أو عادي أتركه مكشوف ؟؟!!
** وأخيرا ….أتمنى إن اللي جربتها تقولي هل فعلا نتيجتها سحرية….. ووش حست بعد شهر من استخدامها ؟؟
وشكرا لتجاوبكن ( مقدّماً )……وآسفة على الإطالة……وإن شاء الله نخدمكنّ بالأفراح !!!
