مالك مزاج تذاكري ؟ .. تعالي وأكتشفي مهاراتك | incredible للجمعات

– مدير مركز مهارات الحياة للتدريب بالدمام
– مدير مركز حي عبدالله فؤاد الاجتماعي
– دكتوراه في الاداره والتخطيط التربوي
– بكالوريس رياضيات مع مرتبة الشرف / جامعة الملك فهد للبترول والمعادن
– 21 عاماً في التربيه والتعليم
– رئيس قسم التدريب التربوي بإدارة الحرس الوطني للقطاع الشرقي سابقاً
– مدرب معتمد في البرمجه اللغويه العصبيه من الاتحاد العالمي inlpta
– مدرب معتمد من الاكادميه البريطانيه لتمنية الموارد البشريه hrd
– ممارس متقدم في تقنيات خط الزمن من الاتحاد العالمي inlpta
– عضو الجمعيه السعوديه للعلوم التربويه النفسيه ( جستن )
– عضو الجمعيه السعوديه للإداره ..

انواع الدورات اللتي يقدمها :
– مهارات التفوق الدراسي
– الذكاء العاطفي
– كيف تكون مربياً مبدعاً ؟
– استراتيجيات التغيير والتأثير
والعديد العديد …

قالوا عن الدوره :
– دوره أخرجتني من حياة الفشل الى حياة التفوق والنجاح ..

– كنت في حالة نفسيه سيئه للغايه , حيث انني طالبه في الثنويه العامه ..
ولكن بعد حظوري لهذه الدوره عادت ثقتي الى نفسي وكرامتي واصبحت الدراسه حلماً
بعد ان كانت همّاً واصبحت قريبه من تحقيق حلمي في ان اكون طبيبه بإذن الله ..

– رغم حصولي على درجة الدكتوراه الا انني استفدت من هذه الدوره استفاده كبيره
واتمنى تطبيق ذلك في حياتي العلميه والعمليه , ولتعليم ابنائي اسس المذاكره الصحيحه ..

ببداية الدوره .. وزعّ الدكتور علينا نوت مرتبه فيه الافكار واحنا نكتب الاشياء المهمه
وفيها استمارات .. نعم اول لا عشان نعرف قدراتنا في المذاكره ..
وبعدين سألنا سؤال مهم ..

اول شي قال معلومه مهمه / كثرة شرب المويه تزيد من قدرتك ع التعلم
قال الدكتور احصائيات كثيره عن قدرة الدماغ ع الحفظ والاستوعاب .. وأكثرها عقلانيه هي ..
ان الدماغ يقدر يحفظ مليون مليون مليون مليون مليون كتاب .. يعني الميموري حقته 10 اس 79 ! … تعرفون اكبر هاردسك اخترعوه الحين
كم مقدار الحفظ حقه ؟ 10 اس 12 .. ويقدر يحمل لك مليون مليون مليون فلم

لما يتعلم الدماغ .. ينشئ رابط بيننه وبين الخلايا العصبيه الثانيه .. ولكن هذا الرابط اذا ماأكدت على المعلومه وراجعتها مع نفسك ف خلال 4 دقايق بس
راح يتلاشى الرابط .. لكن اذا بدينا بمراجعة المعلومه وتكرارها راح تصير هذي الروابط أكثر سماكه وقوه , وتبقى المعلومه ف دماغك ياعزيزي

– مهارات في قاعة الدراسه .
1 ) العلاقه الايجابيه مع المعلم :
كثير مننا نترفز من معلم معين .. او من طريقة تعلميه او اسلوبه مع الطلاب .. أو فقطنا مره واحنا منحاشين ومن هذا القبيل
ومع كرهنا له نكره مادته ويكون حلمنا الوحيد متى تنتهي الحصه ونتفك !
لكن لو فكرنا بالعقل .. المعلم لما ما ارتاح له واكره مادته بيخسر شي ؟ بيدري عنك اصلاً ؟ .. لأ هو راح يجي يعطي مادته ويشرح ويطلع وبينسى كل شي صار .. الخسران الاول والاخير هو انا ,
فلذلك .. لازم اكون علاقه حلوه مع المعلمين انبنت على التفاهم والاحترام عشان احب مادته وامشي معها ..

2 ) التأقلم :
تتذكرون بأولى ابتدائي ؟ كان فيه معلم لكل فصل اسمه " مربي الفصل " .. كانوا يحطونه لان الطفل في المرحله هذي كان مايقدر يتحمل خمس اشخاص
يدخلون عليه باليوم وكل واحد له طريقته واسلوبه .. راح يتشتت صح ؟ , وشوي شوي يبدون يكثرون المعلمين لين الثانوي يصير الشخص من اول اسبوع يقدر
يتأقلم مع اسلوب كل المعلمين .. لكن فيه اشخاص .. كبار بالعقل أطفال بالتفكير .. يجيك يقول المعلم ذا ما احب حصته .. لييه طيب ؟ يقولك ابد ما احب طريقته بالشرح
عشان كذا .. لازم اعرف أنه " مو كل المعلمين زي بعض وكل واحد لطريقته فلازم احاول إني اتأقلم مع كل وحده وطريقتها " !

3 ) التركيز :
هذي صراحه مشكلة الشعب .. تلقى الواحد انواع الذكاء والطاقه لكن مشكلته يسرح بسرعه ومايقدر يركز ..
اول شي خلونا نقول التركيز : عمليه اراديه .. يعني لما يجيك واحد يقول لك مشكلتي مقدر اركز بأجي لراسه وبكرزه لا مقدر ! هو من نفسه اذا بغى يركز بيركز ..
عشان كذا فيه طرق تساعد للتركيز ..
– أكون هنا وبالي هنا .. يعني انا صح جسمي معكم بالفصل او .. لكن بالي يا بالمستقبل او الماضي .. فلذلك " BE HERE AND BE NOW "
– أركز على هدف وجودي بالمكان .. ليه انا هنا ؟ ليه جايه المدرسه ؟ عشان اتعلم ويكون لي مستقبل حلو
– احبّ الماده , طيب انا ماحب الماده إذاً راح أحط " إيجابيات وسلبيات الماده " .. راح تلقى مافيه ماده لها سلبيات .. واذا مافيه ايجابيات بيكون فيه نقطه وحده
وهي راح تعطيك درجات

4 ) تدوين الملاحظات :
الطلاب المتفوقين يكتبون النقاط المهمه .
تفيد :
– التركيز والاستماع الجيّد .
– متابعة الشرح مع المدرس بصوره زينه .
– سرعة فهم الماده .