انا يا جماعه عندي مشكله كبيره مع اولادي ومش عارفه احلها فيجزاها الله خيرا عني الي تساعدني في حلها
انا ام لولدين واحد عنده 4 سنين ونص وواحد عنده 3
ابوهم مسافر بره وان شاء الله نحصله بعد اسبوع او اتنين
المهم الاولاد تاعبني جدا جدا عندهم طاقه رهيبه مش بيبطلو خناق ومشاكل ابدا انا باجي علي اخر اليوم بانهار علطول بيصرخو وبيعوروا بعض وضرب وان سكتو الاقيهم بيدمرةو اجهزة في البيت او اي حاجه من متعلقاتي مثل كريم او ماكياج او اي شيء
تقريبا لم يسلم جهاز في البيت من تخريبهم مكنسه تلاجه غساله تلفزيون كل مكان
الاخطاء لا تنتهي وانا شويه اضرب وشويه اطنش وصوتي علطول جايب لاخر الشارع
الكبير فظيع بيقعد يوسوس لاخوه الاخطاء ويشجعهه عليها من تحت لتحت
والصغير جري جدا ولسانه طويل ولا يخاف احدا ابدا
لو جالي حد او رحت ازور حد لا يمكن يخلوني اتكلم معاه ثانيه واحده يغلوشو علي كلامي
جاتلي كوافيره تعملي شعري قعدو يبهدلولها في حاجتها ويمسكوها لما الست طهقت وتزعقهم مفيش فايده وانا ازعق برضه عادي
لو روحت لدكتور وكانو معايا ميخلونيش اعرف اتكلم ثانيه ويبهدلوله حاجته
لو دخلت الحمام او بصلي او بعمل اكل لازم اجي الاقي مصيبه حصلت يا اما حد عور التاني ياما اتجمعو ودمرو اي شيء مهم
بجد انا اعصابي تعبانه وفعلا مش عارفه اتصرف ازاي مش عارفه اربيهم وكل مقول هيكبرو ويفهمو بحس ان الامور تزداد سوءا
ممكن تدحكو عليا وتقولو كل العيال كده بس فعلا الناس كلها مش انا بس بيستغربو من اولادي ومن افعالهم
لو حد عندو نفس حالتي وعرف يتصرف او حد خبير في التربيه يقولي اعمل ايه واربيهم ازاي يبقي جزاه الله خيرا عني
