مساء الخير للأمهات الفاضلات بهالمنتدى المتميز أنا عضو جديد فيه الصراحة حبيتو واستمتعت بمواضيعو والتجارب اللي مرت معاكم لذلك قررت أكتب هالموضوع على أمل تكون وحدة منكم عندها خبرة أو معلومة تفيدني وياريت تساعدوني لأني أم لأول مرة..أنا عندي طفلة عمرها الآن سنتين ونصف ذكية وعنيدة هي أهم ميزتين فيها ما عذبتني بالفطام بس هلأ صار وقت التنظيف ومعذبتني كتير كتير كتير وهي متعذبة وتعاني وحتى أكلها خف ونومها صار قلق..وعملا بنصايح الناس اللي حواليي وأولهم والدة زوجي اللي أنا عايشة معها قالتلي شلحيا الفوطة وقعديها عانونية (أكرمكم الله) وبس تعمل علأرض اضربيها وعملت متل ما قالتلي وللأسف النتيجة كانت سلبية بنتي يا عمري عليها صارت تفكر إنو لازم ابدا ماتعمل لا علأرض ولا عالفوطة وتكره النونية وتكره الحمام والتواليت والمي وكل شي يخص هالموضوع وصارت اذا بدها تعمل لبرا تحصر نفسها ساعتين وثلاثة حتى بالليل وهي لابسة الفوطة وتفيق تصيح بالليل وتصرخ وتصير تدور بالغرفة وتبكي والله قطعت قلبي مع إني والله أعلم غيرت اسلوبي وصرت لاطفها وشجعها واعملا عرس بس تعمل نونو حتى لو علأرض وهي صارت بالصدفة مرتين عملتا علأرض بعد حصار تلات ساعات..قررت اني بعد اسبوعين من المعاناة رجعلا الفوطة لشهر زمان بينما تنسى الموضوع وبرجع حاول بالهدوء بدون ضرب فشو رأيكن ساعدوني بليز..؟
