أ ب امومة(جهد ملموس ) الأمومة و الطفل

اليوم شفت الصورة دى وعجبتنى وقلت اشاركها معاكم

حبيباتى الترجمة وصلت لعيون ام سهيل الغالية

1- اسألينى عن يومى بالمدرسة …. ضرورى جدا تسأل كل ام طفلها عن يومة بالمدرسة علشان يحس انها مهتمة بية وبتعليمة وتقدمة

2- كونى حاضرة لما تكونى معايا ….. " يعنى متكونيش قاعدة جمب اولادك وفى ايديكى اللاب وقاعدة على الفيس ولا بتتكلمى فى الفون .. وتقولى ما انا قاعدة معاك اهوة …

3- احتفلى بإنتصاراتى الصغيرة ….. فحتى لو شفناها احنا صغيرة هى بنظر الاطفال كبييييرة جدا وبتفرق معاة قوى من ناحية الثقة فى النفس

4- كونى مجنونة بيا وحبينى لدرجة الجنون … كل ما يريدة الطفل ان يشعر بحب امة وابوة … فبينى لة الحب دة فى مواقفك

5- شجعينى عندما اتدنى بمستوايا…. يعنى مش اول ما نلاقى الولد اتغير نفضل نلوم علية ونوبخة على مستواة … لا نحاول نشجعة ونشوف هو لية مستواة نزل

6- سامحينى على اخطائى …. لازم تكون تقافة التسامح موجودة علشان الطفل يعرف يكتسبها من اهلة …

7- اكبرى معايا … او بمعنى اصح شاركينى سنى ولحظاتى وايامى كلها

8- ساعدينى لما احتاج مساعدتك …. لازم الام تكون دايما حوالين اولادها وتكون موجودة لما يحتاجوها .. دة بيزيد من احساسهم بالامان

9- فلتصرى على اكلى للخضروات …. طبعا دى بقى كلنا عارفين لية ….

10- اضحكى معايا … شاريكينى لحظاتى الحلوة ….

11- قبلينى حتى لو مكنتش عايز …. التقبيل هو اقصر الطرق للتعبير عن حب الام لاطفالها بدون كلام … والطفل كمان بيحس بكدة

12- استمعى لى ... ياااااا كل ام حنونة استمعى لأولادك من صغرهم علشان يتعودوا ييجوا ويحكوا لما يكبروا …

13- اصنعى لحظات للذكريات بينى وبينك …. احلى حاجة الذكريات الجميلة .. فإحرصى على انك تملى حياة ابنك ذكرات جميلة

14- لاحظينى وعلقى لما اعمل حاجة حلوة … الاطفال وحتى الكبار بيحبوا كدة جداااا … علشان بيحس انة افضل

15- نظمى لى حياتى لغاية ما اعرف انا اعمل دة …. الاطفال بطبع الحال بيحسوا بالامان فى ظل الروتين المحدد .. ومن شب على شيء شاب علية

16- العبى معايا ….. كتييير …. مفيش احلى من كدة بالنسبة للطفل … وعلى فكرة … مش بيزهقوا

17- اسألينى عن يومى … الطفل بيحس بأهميتة لما يلاقى اللى دايما بيسأل علية وعلى يومة ودراستة …

18- اقرأى معايا او ليا … علشان يتعود على القراءة لازم انتى تبتدى بنفسك وتقرى لة … هو بيشوف العالم من خلالك انتى

19- ابتسمى لى … الابتسامة اوقات تكفى لوحدها لتذوب جبال من عدم الراحة

20- اغلقى اجهزتى الالكترونية …. وياااااكثرة هذة المشكلة هذة الايام …وما يترتب عليها من انطوائية وانعزال …يبقى الواد مطلعش من البيضة وتلاقية يعرف فى الموبايل والتاب واللاب و و و و … الله يرحم ايام ما كنا صغيرين

21- افهمينى … افهمى احتياجات طفلك … مش احتياجاتك انتى … شوفى هو عاوز اية … مش انتى عاوزاة اية …

22- قيمينى …. يعنى شوفى اية نقاط الضعف والقوة عند ابنك وعالجى نقاط الضعف وشجعية نقاط القوة

23- اصبرى … هفهم قصدك فى يوم من الايام …. فعلاااااا … الابناء مش بيفهموا خوف امهم عليهم ولا قصدها من تصؤفاتها الا لما يكبروا ويبقوا فى نفس الموقف

24- xxx و ooo معايا كل يوم .... هو على ما انا فهمت يعنى حاورينى او فيما معنى ذلك … اللى فاهم يقولى يا حلوين

25- قللى الصرااااخ …… مش بيحل حاجة صدقينى …

26- دى بقى انا مش فاهماها … اللى فاهمها يقوللى اية الاحراج دة بقى