التصنيف: السياحة والسفر

السلام عليكم ورحمة الله وبركاته

امبارح الجو كان كتير حلو وشمس وهوا وما احلى

والصبح شوفو كيف صار

تلج وبرد ورعد وريح

ربنا يرزقنا الخير يارب

وهاي شوية امثال حلوة عن التلج والشتا

* خبو خشباتكو الكبار لعمكو اذار

* خبو الفحمات الكبار لهدرة من هدرات اذار

* خبي جمراتك الكبار لعمك اذار

* اللي بدو مرته تعيش يوقدها حطب عريش واللي بدو مرتو تموت يوقدها حطب توت

* حطابة البسوة خمس قطع ما تسوى

* أجا المطر يا طالبين الغلا وشعيركو اللي بيضبو تاكلو في العزا

* المربعانية يا شمس تحرق يا مطر تغرق

* الشغل في كانون أسلم ما يكون

* أجا كانون ولف الفحم والكانون

* في كانون كن وعالبعير حن

* في كانون الأصم اقعد في بيتك وانطم

* في كانون الصحو فيه ظنون

شوية برد من غزة

* بعد كانون الشتا بيهون

* شباط ما عليه رباط

* شباط جر العنزة بالرباط

* سرحنا أول شباط عا زرعة العنبات

* سعد السعود بتمشي المي في العود

* بدور المي في العود ويدفا كل مبرود

* راح شباط هالخباط ما أخد مني عنزة ولا رباط

* أخويا يا آذار اربعة منك وثلاثة مني خلي وادي العجوزة الحزين يغني

* شهر شباط لا يخلي عنز ولا زلاط

* مر شباط لا اخد عنز ولا زلاط

* لا تعد غنمك يا شاوي تيمرق التسعاوي

* ضب غنمك يا شاوي لما يمرق التسعاوي

* سعد الخبايا بتطلع من الأرض الخبايا

* شباط شبطنا وربطنا وروايح الصيف أجتنا

* شباط الخباط يشبط ويخبط وريحة الصيف فيه

* في آذار بيتساوى الليل والنهار

* شمس الربيع تؤذي الرضيع

* في آذار العجوز ما بتفارق النار

* اذار شمس وامطار وينشف الراعي بلا نار

* اذار ابو الزلازل والأمطار

* اذار فيه سبع ثلجات كبار غير الزغار

* في اذار ينشف الراعي بلا نار ويرمو الجزر للحمار وتمطر سبع مطرات

* الثلج ملح الأرض

* إن أرعدت أبعدت وان أبرقت اقربت

* برق شمالي ولا برق قبلي

* إن أبرقت من الشمال بيجيك المطر من الشمال

* الغطيطة فراش الشتا (الغطيطية يعني الضباب)

* سنة تندي ما تردي

* إن أثلجت أفرجت

* كل غيمة وخيرها معاها

* لو بدها تشتي لغيمت

* إن غيم سماها ابشر بماها

* في الشتا تقل فراشك وخفف غطاك

* القي البرد بالجرد

* اتقي البرد ولو بخلقة جرد

* دفاها ولا مرعاها

* الموت ولا فراق الموقدة

* الدفا عفا

* شتوة نيسان بتحيي الإنسان

* النقطة في نيسان بتساوي كل سيل سال

* الشتوة في نيسان جواهر ما الها اثمان

* لو حطو الدريس عا الدريس لا بد من مطرة الخميس

تحياتي واحتراماتي

الماسة